25 От ыйа 25.07
  • 30°
  • $ 86,55
  • 94,38

Геологическай техникум студеннарын байыаннай үөрэхтэрэ

16:18, 15 июня 2016
Читайте нас на
Яндекс Новости
ЯДВ

Томпо улууһугар «Томпорук» айылҕа заказнигын кыраныыссатын аттыгар баар Уулаах диэн сиргэ Хаандыгатааҕы хайа-геологическай техникум студеннара байыаннай үөрэҕи бардылар.

Барыта 14 студент үс преподаватель салалтатынан сырыттылар. Кинилэри Томпотооҕу айылҕа харыстабылын инспекциятыттан Ньургустаан Бысыин салайда. 9 кылыаас кэнниттэн техникумҥа үөрэнэ киирбит уолаттар хайалар быыстарыгар баар базаҕа армияҕа сулууспаҕа бэлэмнэнэн хайалар быыстарыгар ыраас халлаан анныгар сылдьан бэйэлэрин тургутан көрдүлэр.

Уолаттар бастаан тиийэн базаларын субуотунньуктаан ыраастаан баран балааккаларын туруоран онно хонон, кутаа уотугар астанан сырыттылар. Биир тэҥ кэккэнэн хаамарга, ытарга, противогаз кэтэргэ, быыһыыр үлэлэргэ үөрэннилэр, күүстэрин-уохтарын тургутар эрчиллиилэргэ дьаныардаахтык дьарыктаннылар. Инспектор Ньургустаан Бысыин аҕа көлүөнэ хорсун быһыытын умнубакка өйдүү сылдьан холобур оҥостоллорун курдук Томпо аатырбыт бэргэн ытааччытын, Советскай Союз Геройа Федор Охлопков уонна сахалартан бастакы Советскай Союз Геройа Федор Попов, Аҕа дойду сэриитин саллааттара эрэллээх доҕордорун – бойобуой бинтиэпкэ туһунан кэпсээтэ.

Инспектор Ньургустаан Бысыин:

Итини таһынан курсаннарга айылҕаны харыстыы үөрэнэллэригэр туһалаах буоллун диэн эколог күнүгэр анал ыйытынньык ыыттым. Студеннар үчүгэй билиилээхтэрин көрдөрдүлэр. Ордук Чернобыльга АЭС-ка уонна Японияҕа «Фукусима – 1» тахсыбыт саахаллар тустарынан ыйытыыларга чэпчэкитик хоруйдаатылар.

Уолаттар хайа чыпчаалыгар тахсан бэйэлэрэ оҥорбут былаахтарын ураҕаска иилэн туруордулар.

Следите за самым важным и интересным в Telegram-канале и WhatsApp-группе ЯСИА