24 От ыйа 24.07
  • 17°
  • $ 87,3
  • 95,46

Егор Борисов: Виктор Лебедев Олимпиадаҕа дьулуурдаахтык дьарыктаммыта, күөн көрсүүгэ санаата бөҕөх

16:32, 10 августа 2016
Читайте нас на
Яндекс Новости
ЯДВ

Саха сирин тустууга Виктор Лебедев Рио Олимпийскай оонньууларыгар кыттарын ситистибит. Ити туһунан өрөспүүбүлүкэ баһылыга Егор Борисов «Саха» НКИК ханаалын биэриитигэр эттэ. Санатар буоллахха, урукку өттүгэр допины тутта сылдьыбыт спортсменнары Олимпиадаҕа киллэрэри боппуттара. Кинилэр ортолоругар 2006 сыллаахха болденон диэн көҥүллэммэт препараты туттубут Виктор Лебедев эмиэ баара.

«Норуоттар икки ардыларынааҕы олимпийскэй кэмитиэт быһаарыытын кэнниттэн РФ спортивнай тустууга федерациятын таһымыгар быһаарыыны ыларбытыгар, Виктор Лебедевы Россия сүүмэрдэммит хамаандатын састаабыгар киллэрэр чэпчэкитэ суох этэ. Бэйэбит туспа быһаарыылары ыларга күһэллибиппит уонна атын таһымҥа тахсыбыппыт», —диэтэ Егор Борисов.

Ил Дархан эбэн эппитинэн, сорох спортивнай функционердар өттүлэриттэн ыгыы чахчы баара. «Виктор Лебедев оонньууларга кыттарын туруорсар, норуоттар икки ардыларынааҕы олимпийскэй кэмитиэти утарар буоллахпытына, көҥүл уонна греко-римскэй тустууга сүүмэрдэммит хамаанда уһуллар куттала баар» диэбиттэр.

Ол эрээри, спорт арбитражнай суута олимпийскэй кэмитиэт быһаарыытын көтүрбүтэ. Саха тустууга дойду сүүмэрдэммит хамаандатыгар киирэн, Бразилияҕа тиийбитэ.

Виктор Лебедев атырдьах ыйын 19 күнүгэр Риоҕа аан бастакытын киирсиэҕэ. Кини утарсааччытынан ким буолара сэрэбиэй бырахсыы кэнниттэн биллэр. «Кини дьулуурдаахтык дьарыктаммыта, күөн көрсүүгэ санаата бөҕөх», —диэтэ Егор Борисов.

Следите за самым важным и интересным в Telegram-канале и WhatsApp-группе ЯСИА