23 От ыйа 23.07
  • 21°
  • $ 87,78
  • 95,76

Егор Борисов ойуур бизонун РФ фаунатын испииһэгэр киллэрэргэ этии киллэрдэ

13:00, 11 марта 2018
Текст:
Читайте нас на
Яндекс Новости
ЯДВ

Егор Борисов ойуур бизонун РФ фаунатын испииһэгэр киллэрэргэ этии киллэрдэ. Кини ити туһунан кулун тутар 10 күнүгэр Судаарыстыбаннай Дуума дьокутаатын, Госдуума экологияҕа уонна тулалыыр эйгэҕэ куттал суох буолуутун кэмитиэтин бэрэссэдээтэлин солбуйааччы Сергей Боярскайы кытта көрсүһүүтүгэр эттэ.


Егор Борисов өрөспүүбүлүкэҕэ ойуур бизонун дьиҥнээх үөскээбит эйгэтигэр чөлүгэр түһэрии бырайыага ситиһиилээхтик олоххо киирэрин кэпсээтэ. Кини бизоннары айылҕаҕа аан бастаан көҥүл ыытыыга суолу аспыта. Канадаттан аҕалыллыбыт кыыллар олохсуйалларыгар икки питомник тутуллубута.

Бүгүн Саха сирин Киин өттүгэр айылҕа усулуобуйата бу кыылларга сөп түбэһэн, Канада уонна Саха сирэ хааннаах бизоннар ахсааннара 184 төбөҕө тиийдэ. Онон ааспыт сыл сэтинньитигэр 30 ойуур бизонун (22 улахан уонна 8 ньирэй) Горнай улууһун “Сиинэ” айылҕа пааркатын сиригэр-уотугар көҥүлгэ ыыппыттара. Ойуур бизонун үөрэ көҥүл көччүйэрэ табылыннаҕына, бу бырайыак Саха сиригэр олус улахан суолталаах буолуоҕа.

Следите за самым важным и интересным в Telegram-канале и WhatsApp-группе ЯСИА