Муус устар 27 күнэ — Саха Өрөспүүбүлүкэтигэр ураты күн. Бу күн 97 сыл анараа өттүгэр Саха Аптаныамынай Сэбиэскэй Сэссэлистиичэскэй Өрөспүүбүлүкэтэ олохтоммута, оттон 27 сыллааҕыта Саха Өрөспүүбүлүкэтин Конституцията (Төрүт Сокуона) ылыллыбыта.
Бэлиэ күнү көрсө Өрөгөй ырыатын ыллаан флеш-мобка кыттаргытыгар ыҥырабыт. Саха сирин Өрөгөйүн ырыатын бэйэҥ, дьиэ кэргэнинэн эбэтэр доҕотторгун кытта (сааһыттан тутулуга суох) ыллаан видеоҕа устан 8(967)913-98-87 нүөмэргэ муус устар 24 күнүгэр диэри батсааптааҥ.
Баар видео-устуулары холбоон, биир уопсай видео оҥорон, edersaas.ru саайтка, инстаграмҥа таһаарыахпыт.
Өрөгөй ырыатын тыллара:
Сахам сирэ дьоллоох тускуга
Саһарҕалыы ыҥыра ыллыыр.
Илинтэн арҕаа ол кустуга
Алмаас таас курдук сандаара сырдыыр.
Барҕа быйаҥнаах Сахам дойдута
Модун Россия киэн туттуута,
Өркөн өрөгөй тойугун туойдун,
Үүнэр үйэҕэ үрдүү туруохтун!
Үллэр үөстээх Өлүөнэ Эбэ
Өлбөт мэҥэ угуттуур уулаах.
Элбэх омукка эрчим эбэр,
Или-эйэни олохтуур уохтаах.
Барҕа быйаҥнаах Сахам дойдута
Модун Россия киэн туттуута,
Өркөн өрөгөй тойугун туойдун,
Үүнэр үйэҕэ үрдүү туруохтун!
Ааспыт кэммит айхаллаах суола
Арчылыыр аар алгыһын биэрдэ.
Сахабыт сирэ дьоһун, дуолан
Сайдыы аартыгар түөрэҕэ түстэ.
Барҕа быйаҥнаах Сахам дойдута
Модун Россия киэн туттуута,
Өркөн өрөгөй тойугун туойдун,
Үүнэр үйэҕэ үрдүү туруохтун!
