25 От ыйа 25.07
  • 16°
  • $ 86,55
  • 94,38

Доллуга сэрии бэтэрээннэрин бириистэригэр күрэхтэһии буолла

Читайте нас на
Яндекс Новости
ЯДВ

Ыам ыйын 28 күнүгэр «Доллу нэһилиэгэ» муниципальнай тэриллии «Көлүөнэлэр өйдөбүнньүктэрэ» бырайыагын чэрчитинэн, Аҕа дойду Улуу сэриитин бэтэрээннэрин ааттарын үйэтитэр сыаллаах оскуола үөрэнээччилэрин ортолоругар чэпчэки атлетикаҕа өрөспүүбүлүкэтээҕи кроһу үһүс төгүлүн ыытта.


Кросска улууспут 10 нэһилиэгиттэн итиэннэ Чурапчы, Уус Алдан улуустарыттан уонна Дьокуускай куораттан барыта 180 спортсмен кытынна. Кросс кыттыылаахтара, тренердэр уонна тэрийээччилэр маннык тэрээһин кэнчээри ыччаты партиотическай тыыҥҥа иитиигэ, сэрии бэтэрээннэрин ааттарын үйэтитиигэ улахан суолталааҕын бэлиэтээтилэр.

Кыргыттар уонна уолаттар дистанцияларынан 200, 300, 350, 450, 600, 800, 1000 уонна 1500 м саастарынан бөлөхтөргө арахсан күрэхтэстилэр. Хас биирдии сүүрүүгэ Аҕа дойду Улуу сэриитин бэтэрээннэрин Константин, Сергей Степанович Куличкиннар, Иван Николаевич, Петр Петрович, Николай Иванович, Алексей Прокопьевич Максимовтар, Гаврил Яковлевич Попов, Иван Иннокентьевич Верховцев, Семен Ильич, Семен Николаевич, Трофим Иннокентьевич Птицыннар, Василий Афанасьевич Свинобоев, Илья Алексеевич, Роман Макарович Скрябиннэр, Дмитрий Еремеевич Слепцов, Семен Петрович Бубякин, Тимофей Николаевич, Петр Гаврильевич Стручковтар, Егор Дмитриевич Титов, Петр Семенович Трифонов, Еремей Никифорович, Никита Еремеевич Шахурдиннар, Иван Петрович Эверстов, Роман Спиридонович, Михаил Сидорович Десяткиннар ааттарынан бириистэр олохтоннулар.

Бэйэлэрин бөлөхтөрүгэр 200 м Олеся Романова (Төхтүр), Дима Блехович, Элиза Тимаева (иккиэн Аллараа Бэстээхтэн), Данил Слепцов (Бүтэйдээх), Руслан Сатабылаев (Чурапчы), 300 миэтэрэҕэ Амелия Алексеева, Сеня Бурнашев (иккиэн (Лоомтукаттан), Дарина Ущницкая (Уус Алдан), Юля Максимова (Чурапчы), Жанна Киселяхова (Тумул), 350 м Катя Ким, Данил Мохначевскай, Алеша Драгунов, Данил Осипов, Катя Стрюкова (бэһиэн Чурапчыттан), Ася Баишева, Витя Елисеев (иккиэн Тумултан), Саша Заровняев (Төҥүлү), 450 м Никита Петров (Төҥүлү), 600 м Айсена Птицына (Тумул), 800 м Назар Егоров, Юля Иванова (иккиэн Чурапчыттан), 1000 м Ганя Назаров (Лоомтука), Аня Прокопьева (Чурапчы), 1500 м Павел Федоров (Чурапчы) кыайыылаахтарынан таҕыстылар.

Күрэхтэһии тэрийээччилэринэн өрөспүүбүлүкэтээҕи уонна биһиги улууспут физкултуура уонна успуорка управлениелара, чэпчэки атлетикаҕа улуустааҕы федерацията, «Доллу нэһилиэгэ» МТ уонна Социалистическай Үлэ Геройа Т.Г. Десяткин аатынан Тумул орто оскуолата буоллулар.

Следите за самым важным и интересным в Telegram-канале и WhatsApp-группе ЯСИА