Дьокуускай куоракка Ленин проспегын 3/1 аадырыһыгар буолбут баһаары умуллардылар. Бу туһунан РФ ЫБММ Саха сиринээҕи салаатын пресс-сулууспатын салайааччыта Ксения Рахматуллина иһитиннэрдэ.
«Дьокуускайга Ленин проспегар амдинистративнай дьиэҕэ улахан баһаар буолла. Баһаар буолбут сиригэр Дьокуускайдааҕы баһаарынай гарнизонтан 50-тэн тахса киһи уонна 11 тиэхиньикэ үлэҕэ тардылынна. Билиҥҥи кэмҥэ баһаары тохтоттулар. Уоттан икки киһи эмсэҕэлээбитин туһунан иһитиннэрии баар», — диэн Ксения Рахматуллина биллэрдэ.
