«Социальнай ситимнэргэ РКБ № 3 гериатриятын киинигэр босхо госпитализация туһунан сымыйа сурах тарҕанна. Баһаалыста итэҕэйимэҥ! Госпитализация былаан быһыытынан оройуоттардааҕы киин балыыһалар нөҥүө барар, эбэтэр куорат поликлиникаларынан. Аймахтаргытыгар сэрэтиҥ», — медицина тэрилтэтин иһитиннэриитигэр этиллэр.
Сымыйа иһитиннэриигэ ыам ыйыгар, от ыйыгар, атырдьах ыйыгар гериатрия киинигэр босхо путевка бэриллэрин туһунан суруллар. Бу — сымыйа, маннык аахсыйа суох.
