21 От ыйа 21.07
  • 23°
  • $ 88,02
  • 96,04

Дьокуускай куорат пиэрмэрдэригэр ыытыллыахтаах «Агростартап» балаһыанньатын оҥорон саҕалаатылар

Фото: СИА
Читайте нас на
Яндекс Новости
ЯДВ

Дьокуускай куорат тыа хаһаайыстыбатын салалтата быйыл киин куорат уокуругун пиэрмэрдэригэр аан бастакытын «Агростартап» куонкурсун тэрийэргэ бэлэми саҕалаата диэн СИА-ҕа биллэрдэ.

«Биһиги бу күннэргэ куонкурс критерийдэрин ырытан саҕалаатыбыт, арааһа куорат ыһыаҕын кэннэ, от ыйыгар балаһыанньа бырайыага бэлэм буолара буолуо», — диэн Дьокуускай куорат тыа хаһаайыстыбатын салалтатыгар иһитиннэрдилэр.

Санатан эттэххэ, 2023 сылга куорат уокуругун пиэрмэрдэригэр аан бастакытын «Агростартап» куонкурсун тэрийэргэ 30 мөл. солкуобай көрүллүбүтэ.

Эрдэ «Дьокуускай куорат» уокуругун тыа хаһаайыстыбатын управлениетын салайааччытын солбуйааччы Лидия Петровна Мухоплева балаһыанньа туһунан кэпсииригэр өрөспүүбүлүкэтээҕи «Агростартап» грант критерийдэригэр майгынныыр буолара буолуо диэн этэн турардаах. Куонкурус балаһыанньатын күһүн биллэриэхтээхтэр, бу сыл бүтүөр диэри бэриллибит харчыны туһаҕа таһаарыахтаахтар.

Следите за самым важным и интересным в Telegram-канале и WhatsApp-группе ЯСИА