20 Атырдьах ыйа 20.08
  • 14°
  • $ 59,13
  • 59,39

Дмитрий Давыдов "Пугало" киинэтэ "НИКА" киинэ бириэмийэтигэр холонор

11:01, 10 марта 2021
Текст:

Дмитрий Давыдов «Пугало» киинэтэ «НИКА» киинэ бириэмийэтин сүрүн наҕараадатыгар итиэннэ «Лучшая режиссёрская работа» уонна «Лучшая женская роль» номинацияларга холонуо. Кыайыылааҕы муус устар 25 күнүгэр биллэриэхтэрэ.


1987 сыллаахтан ыытыллар Арассыыйатааҕы киинэ бириэмийэтэ былырыын коронавирус дьаҥыттан ыытыллыбатаҕа. Быйыл сыл бастыҥ киинэтин ааты ылыыга Андрей Зайцев «Блокаднай дневнига», Филипп Юрьев «Китобойа», Оксана Карас «Доктор Лизата», Андрей Кончаловскай «Дорогие товарищи» киинэтэ уонна Дмитрий Давыдов «Пугалота» киирсэллэр.

Маны таһынан, саха киинэтэ «Лучшая режиссёрская работа» уонна «Лучшая женская роль» номинацияларга холонуо. Маныаха Дмитрий Давыдовка утарылаһааччыларынан Андрей Зайцев уонна аатырбыт Андрей Кончаловскай буолуохтара. Оттон дьахтар оруолун толорууга Чыскыырайы кытары Чулпан Хаматова, Юлия Высоцкая, Наталья Павленкова киирсиэхтэрэ.

«НИКА»ны туттарыы муус устар 25 күнүгэр буолуо.

Следите за самым важным и интересным в Telegram-канале и WhatsApp-группе ЯСИА
0
0