3 От ыйа 03.07
  • -7°
  • $ 104,68
  • 115,6

Пугалоны Эстония киинэ тыйаатырдарыгар көрдөрүөхтэрэ

13:15, 29 ноября 2021
Текст:

Дмитрий Давыдов устубут “Пугало” киинэтэ ахсынньы 3 күнүттэн Эстония киинэ тыйаатырдарыгар прокатка тахсар, диэн СИА кэпсиир. Арассыыйа уонна СНГ иһинэе бу киинэ 11 мөлүйүөнү хомуйда.

Эстонияҕа “Пугало” киэҥ прокатка тахсарыгар, сыллата 10-12 ааптарскай киинэни таһаарар MTÜ Otaku диэн хампаанньа,  үлэлэһэ сылдьар. Бу хампаанньа ураты көрүүлээх уонна национальнай киинэлэр күннэрин эмиэ тэрийэр.

«Ааптарскай киинэлэр үгэс быһыытынан аҕыйах түһүлгэлэргэ көрдөрөр идэлээхтэр. Талиҥҥа  Пугалоны» арт-хаус киинэлэри өйүүр “Артист” диэн киинэ тыйаатырыгар көрдөрүөхтэрэ. Ону таһынан, киинэни Пярну, Курессар уонна Эстония — Тарту студенческай киин куоратыгар киэҥ экраҥҥа тахсыаҕа», — диэн MTÜ Otaku продюсера Артур Вебер биллэрдэ.

Эстонияҕа “Пугало” HÕFF диэн Хаапсалу куоратыгар буолбут киинэ бэстэбээлигэр кыттыбыта.

«Пугало» Арассыыйаҕа киэҥ прокатка 2021 сыл олунньу 25 күнүгэр тахсыбыта диэн санатабыт. Олунньу 28 күнүгэр «Российская газета «Кинотавр» бириэмийэ кыайыылааҕа үйэҕэ биирдэ быракаатын харчытын төлөөтө диэн суруйбута. Пугалоны 1,5 мөл. солк. бүддьүөтүнэн устубуттара. 172 икки эрэ киинэ тыйаатырыгар прокатка тахсан баран, 6,5 мөл. харчыны каассатыгар киллэрбитэ.

Сэтинньи 14 күнүнээҕи туругунан, Арассыыйаҕа уонна СНГ-га каассовай сбордара — 11,6 мөл. солк.

Следите за самым важным и интересным в Telegram-канале и WhatsApp-группе ЯСИА
1
0