24 Ыам ыйа 24.05
  • -7°
  • $ 104,68
  • 115,6

«Дьэ эрэ, кэпсиэ…» дьиҥ олоххо буолбут кэпсээн күрэҕэр үлэлэри тутуу салҕанар

13:01, 20 января
Текст:
Кэлиҥҥи сылларга ааҕааччыларбыт дьон дьылҕатын, олоҕун хайа эрэ кэрчигин сырдатар кинигэлэри сэҥээрэн ааҕаҕыт диэн бэлиэтиибит. Холобур, «Күннэй кистэлэҥ олоҕо», «Исповедь исчезнувших», «Ыйдаҥа түүн»  уо.д.а. айымньылар биһиги кыһабыт, нуучча тылыгар туттуллар тиэрмининэн эттэххэ, «хиттара» буоллулар, суруйар «Айар» кинигэ кыһата.
Хатыламмат дьылҕалар киһини соһутар, кэрэхсэтэр, сөптөөх суолга сирдиир, өйдөбүлү хаалларар аналлаахтар. Ол иһин бу сыл тохсунньу 2 күнүттэн 31 күнүгэр диэри «Итак, слушай…»/»Дьэ эрэ, кэпсиэ…» диэн дьон олоҕуттан интэриэһинэй түгэннэри сырдатар литературнай куонкуруһу «Айар» кинигэ кыһата биллэрбитэ. Билигин үлэлэри тутуу үгэнэ. Онон тиэтэйэргитигэр ыҥыраллар. «Өскөтүн ааҕааччы киэҥ араҥатыгар ураты, интэриэһинэй сюжет буолан тахсар кыахтаах биллэр да, биллибэт да лиичинэс олоҕун туһунан билэр буоллаххына, хайаан да кыттыаҥ диэн эрэнэбит!«, — диэн суруллар иһитиннэриигэ.
Куонкурус сыала: саҥа уус-уран бырайыакка ааптардары, интэриэһинэй сюжеттары, идиэйэлэри көрдөөһүн.
Усулуобуйата:
✅ Дьиҥ олохтон ураты дьылҕалаах, дьарыктаах, айдарыылаах киһи туһунан суруйан, bichik_reklama@mail.ru электроннай почтаҕа ыытыы;
✅ сурук тиэмэтигэр улахан буукубаларынан «ДЛЯ КОНКУРСА «Итак, слушай…»» диэн бэлиэтиигин;
✅ толору аатыҥ-суолуҥ, аадырыс, төлөпүөн нүөмэрэ;
✅ Үлэ кээмэйэ А4 форматынан 2 сирэйтэн итэҕэһэ суох буолуохтаах, 10 сирэйтэн элбээбэт (киэгилэ – 14, интервала – одинарнай).
Кыайыылаахтар харчынан уонна грамотанан наҕараадаланаллар.
💫1-гы миэстэ – 30 000
💫2-с миэстэ – 20 000
💫3-с миэстэ – 10 000
Куонкурус балаһыанньатын кытта сиһилии ayar.ru. сайтка киирэн билсиҥ.⠀
Следите за самым важным и интересным в Telegram-канале и WhatsApp-группе ЯСИА
1
0