21 От ыйа 21.07
  • 16°
  • $ 88,02
  • 96,04

Чурапчытааҕы интэринээт-оскуолаҕа Дмитрий Петрович 95 сылыгар аналлаах үөрүүлээх линейка буолла

Читайте нас на
Яндекс Новости
ЯДВ

Саҥа үөрэх дьылын итиэннэ интэринээт-оскуола Дмитрий Петрович 95 сылын киэн тутта, үөрүүлээх быһыыга-майгыга бэлиэтээтилэр.

Бу бэлиэ күнү көрсө, Дойду уонан Саха сирин өрөгөй ырыалара иһилиннилэр, былаахтар күөрэччи көтөҕүлүннүлэр. Үөрүүлээх чааска, Чурапчы улууһун баһылыга Степан Саргыдаев, Чурапчы нэһилиэгин сайдыытыгар өрөспүүбүлүкэбит Ил Дархана Айсен Николаевка, СӨ Бырабыыталыстыбатын бэрэссэдээтэ Андрей Тарасенкоҕа уонна СӨ успуорка миниистиригэр Леонид Спиридоновка дириҥ махталын тириэртэ. Итини таһынан успуорт министиэристибэтиттэн көрүллүбүт 5 тустуу көбүөрүттэн үһүн интэринээт-оскуола иитиллээччилэр бэлэх биэрэрин туһунан иһитиннэрдэ. Оттон хаалбыт икки көбүөр Александр Федотов аатынан успуорт уораҕайыгар, оҕо этин-хаанын эбии сайыннарыыга туһулламмыт оскуола баазатыгар барарын эттэ.

Үөрэнээччилэр харда тылларыгар: “Дьол-көҥүл, норуот иһин күүс кыайарынан, сүрэх баҕатынан үлэлииргэ бэлэммит!” – диэн биир киһи курдук эттилэр, оскуолаларын өрөгөйүн ырыатын толорон иһитиннэрдилэр. Итиэннэ улуу тириэнньэр бүүһүгэр сибэкки дьөрбөтүн уурдулар.

Саҥа олох, Чурапчы

Следите за самым важным и интересным в Telegram-канале и WhatsApp-группе ЯСИА