Ыам ыйын бүтүүтүттэн от ыйыгар диэри Саха сиригэр улахан спортивнай тэрээһиннэр сериялара буолуоҕа — ГТО маассабай бэстибээлиттэн саҕалаан, ох саанан ытыыга Россия чемпионатыгар диэри. Сүрүн түбэлтэлэри «Актуальное интервью» тэлэбиидэнньэ эфиригэр физическэй култуураҕа уонна спорка миниистир бастакы солбуйааччы Гаврил Мохначевскай кэпсээтэ.
Сүрүн стартар:
Ыам ыйын 29-31 күннэрэ: «Мир! Май! ГТО!» «Туймаада» стадионугар уонна култуура пааркатыгар. Кыттааччылар нормативтары толоруохтара, ону тэҥэ «Доруобуйа бэстибээлин» чэрчитинэн медицинскэй көрүүнү ааһыахтарын сөп. ГТО бэлиэлэрин хаһаайыттара спортивнай эбийиэктэргэ сылдьыыга чэпчэтиилэри ылаллар (кыһыл көмүс бэлиэ иһин 50% диэри), оттон бюджет эйгэтин үлэһиттэригэр эбии төлөбүрдээх өрөбүлү уонна көҕүлээһини биэрэр бырааптаахтар. Оскуола оҕолоругар уонна устудьуоннарга туйгун бэлиэ БКЭ эбии бааллары уонна үрдэтиллибит стипендияны биэрэр;
Ыам ыйын 23: Бүтүн Арассыыйатааҕы «Забег.РФ»;
Бэс ыйын 4-7 күннэрэ: Саха сирин профсоюз хамсааһынын 105 сылыгар уонна Илья Винокуров 130 сылыгар аналлаах үлэ кэлэктииптэрин Спартакиадата. 1,5 тыһ. тахса кыттааччы күүтүллэр;
Бэс ыйын 28 – от ыйын 4 күннэрэ: «Туймаада» стадиоҥҥа ох саанан ытыыга Арассыыйа чөмпүйэнээтэ (300-чэкэ спортсмен).
Бырагыраамаҕа— «Кыайыы Марафона», «Российский Азимут», футболга Уһук Илиҥҥи күрэхтэһии уонна Дьокуускайга босхо сарсыардааҥы зарядкалар бааллар.
