15 От ыйа 15.07
  • 27°
  • $ 87,74
  • 95,76

Боксаҕа Россия Кубогар Саха сирин сүүмэрдэммит хамаандатын лидердара кыттыахтара

11:38, 12 января
Текст:
Хаартыска: ЯСИА
Читайте нас на
Яндекс Новости
ЯДВ

Тохсунньу 16 күнүттэн Самараҕа боксаҕа Россия Кубога стартыаҕа. Манна Саха сириттэн биэс бастыҥ спортсмен кыттыаҕа.

Финал тохсунньу 21 күнүгэр буолар, суруйда ЯСИА.

Күрэхтэһии Олимпийскай оонньууларга икки төгүллээх кыайыылаах Олег Саитов аатыгар ыытыллыаҕа. Биллэринэн, баар Россия чемпиона бары кыттар.

Саха сирин хамаандатыгар Михаил Прокопьев, Рустам Туприн, Рустам Дьяконов (48 кг), Василий Егоров (51 кг) уонна Николай Пшенников (60 кг) бааллар. Хас биирдии ыйааһыҥҥа аҕыс, талыыны ааспыт, боксёр кыттар.

51 кг диэри Василий Егоровка Баир Батлаев (Бурятия), Расул Салиев (Дагестан), Евгений Жоров, Мушег Баяндурян (Адыгея), Дмитрий Наимов (Нижегородскай уобалас), Ахтем Закиров (Крым) уонна Артур Нагапетян (Москва) тахсаллар.

48 кг диэри үс саха боксёругар утарылаһаллар Эдмонд Худоян (Челябинскай уобалас), Адам Альвиев (Чечня), Володя Мнацаканян (Москва), Гога Топурия (Ставрополь) уонна Игорь Царегородцев (Татарстан).

60 кг диэри Саха сирин бэрэстэбиитэлигэр киирэллэр Аршак Товмаян (Москва), Константин Опольский (Москва), Никита Косман (Хабаровск), Кагир Минатуллаев (ХМАО-Югра), Муса Мирзаев (Пермь), Алибек Солтуханов (Санкт-Петербург) уонна Михаил Григорян (Краснодар).

Сэрэбиэй тохсунньу 15 күнүгэр буолуоҕа.

Следите за самым важным и интересным в Telegram-канале и WhatsApp-группе ЯСИА
Тутаах тыллар