Саха сирин полицейскайдара Азербайджан 55 саастаах олохтооҕуттан үс тыһыынчаттан тахса бытыылка федеральнай уонна акцизнай маарката суох буокканы былдьаатылар. Бу туһунан регионнааҕы ИДьМ пресс-сулууспата иһитиннэрэр.
Эр киһи икки билэр киһитин кытары Саха сирин оройуоннарыгар бэрэбиэркэни ааспатах арыгыны сокуоннайа суох быһыынан атыылаабыттар. Кинилэртэн биирдэстэрин чааһынай дьиэтигэр полиция үлэһиттэрэ 500 бытыылкаттан тахса арыгыны булбуттар.
Барыта икки тыһыынча лиитирэттэн тахса биир мөл. солкуобайтан элбэх суумалаах испиирдээх бородууксуйаны былдьаатылар. Буруйдаах утары холуобунай дьыала тэрилиннэ, ону тэҥэ кини көмөлөһөөччүлэригэр эмиэ холуобунай дьыаланы тэрийэр туһунан боппуруос көрүллэр.
