29 Кулун тутар 29.03
  • -14°
  • $ 92,26
  • 99,71

Бэрдьигэстээххэ чааһынай дьиэлэргэ итиини биэрэллэр

12:01, 30 января 2018
Текст:
Читайте нас на
Яндекс Новости
ЯДВ
«СӨ ОДьКХ» ГУТ үлэһиттэрэ ааспыт түүн Горнай улууһун Бэрдьигэстээҕэр «РИК» хочуолунайтан чааһынай дьиэлэргэ барар ититэр ситими чөлүгэр түһэрдилэр. Ол кэннэ Яковлев аатынан уулусса 15, 17, 19 нүөмэрдээх дьиэлэригэр итиини холбоотулар.

Салгыы Молодежнай уулусса 2 нүөмэрдээх дьиэтигэр итиэннэ Ростелеком уонна Россельхозбаан тэрилтэлэригэр итии бэрилиннэ.

Горнай улууһун Бэрдьигэстээҕэр баһаарга былдьаммыт «РИК» хочуолунай хат сөргүтүллэн, эрэсиим быһыытынан үлэлиир. Биир хочуол саппааска турар. Холбоммут биир хочуол кыаҕа сөптөөх итиини биэрэ турар. Итии тахсыытыгар температурата +76 кыраадыска тэҥ.

Билигин Ленин аатынан уулусса 5, Молодежнай уулусса 5, Строд уулуссатын 4 нүөмэрдээх дьиэлэригэр, Сбербаан өттүгэр итиини биэриигэ бэлэмнииллэр.

Ититэр ситим трассата, объектар ис туруктара бэрэбиэркэлэнэр. Сорох биригээдэлэр олорор дьиэлэр алдьаммыт ис систиэмэлэрин өрөмүөннүүллэр.

Көмөҕө эбии «РемСтройПроект» ХЭУо исписэлиистэрэ кэллилэр, матырыйаал тиэйиллэр. Үлэ тохтоон хаалбатын туһугар сменанан үлэ тэриллэр.

Следите за самым важным и интересным в Telegram-канале и WhatsApp-группе ЯСИА