24 От ыйа 24.07
  • 16°
  • $ 87,3
  • 95,46

Баһаарга эмсэҕэлээбит дьон туруктарын туһунан…

13:03, 30 октября 2023
Читайте нас на
Яндекс Новости
ЯДВ
Алтынньы 30 күнүгэр ыытыллыбыт брифиҥҥэ доруобуйа харыстабылын миниистирин солбуйааччы Дмитрий Сергин Ленин проспегын 3/1 №-дээх дьиэтигэр буолбут баһаарга эмсэҕэлээбит дьон туруктарын туһунан кэпсээтэ. Эмсэҕэлээбит дьон 2-с №-дээх Өрөспүүбүлүкэтээҕи балыыһаҕа-Суһал мэдиссиинэ көмөтүн киинигэр сыталлар, Саха сирэ суруйар.

— Алтынньы 27 күнүгэр буолбут баһаарга «суһал көмө» 7 биригээдэтэ кэлэн үлэлээбитэ. 2-с №-дээх Өрөспүүбүлүкэтээҕи балыыһаҕа-Суһал мэдиссиинэ көмөтүн киинигэр 10 киһини аҕалбыттарыттан, 5 киһиэхэ амбулаторнай эмтэнии анаммыта. 5 киһи балыыһаҕа киирбититтэн, 2 киһи доруобуйатын туруга этэҥҥэ.

3 киһи реанимацияҕа киирбитэ. Кинилэр туруктара ыарахан этэ, бары умайбыт былаастык, о.д.а. матырыйаал буруотуттан сүһүрбүттэр.

Хомойуох иһин, алтынньы 29 күнүгэр реанимацияҕа сытар дьахтар тыына быһынна. Билигин 2 киһи тыҥаны хачайдыыр аппараакка сыталлар. Миэдиктэр туох баар кыаллар мэдиссиинискэй көмөнү оҥоро сатыыллар.

Доруобуйа харыстабылын министиэристибэтэ өлбүттээхтэр дьиэ кэргэттэригэр, чугас дьонноругар дириҥ кутурҕанын биллэрэр. Эмсэҕэлээбит дьон дьиэ кэргэттэригэр көмө оҥоһуллуоҕа, — диэн Дмитрий Сергин эттэ.

Ил Дархан, бырабыыталыстыба дьаһалтатын пресс-сулууспата

Следите за самым важным и интересным в Telegram-канале и WhatsApp-группе ЯСИА
Тутаах тыллар