29 Тохсунньу 29.01
  • -48°
  • $ 73,82
  • 83,32

Бүлүүгэ сыыры астыыр бааһынай

10:15, 12 сентября 2016
Текст:

Бүлүү улууһун Лөкөчөөн бөһүөлэгэр олохтоох Харлампьев Афанасий Кузьмич 2009 сыл кулун тутар ыйга бааһынай хаһаайыстыбатын тэриммитэ.

Хаһаайыстыба 2011 сыллаахха 50 ыанньык ынахха анаан типовой хотон тутуутун саҕалаан 2012 сылга үлэҕэ киллэрбитэ. Ити хотон тутуллубут ороскуоттарын сабыныыга 2013 сылга «Тускул Л» бааһынай хаһаайыстыбаҕа тыа хаһаайыстыбатын уонна аска-үөлгэ политикатын министиэристибэтэ 1163 №-дээх бирикээһинэн 500 тыһыынча субсидияны биэрбитэ.

Хаһаайыстыба сылтан сыл сүөһүтүн элбэтэн 2014 сылга уопсайа 93 сүөһүлэнэр, онтон 54-дэ ыанньык ынах. Ити сыл хаһаайыстыба Саха Өрөспүүбүлүкэтин АПК Консультациялыыр-методическай киинэ дьиэ кэргэнинэн бааһынай хаһаайыстыбаны сайыннарыы бырагырааматыгар кыттан 4 мөл.солк.суумалаах грант ылбыта. Граннарын харчытыгар эбии тыа хаһаайыстыбатын тиэхиньикэтин итиэннэ сыыр оҥорор итальянскай оборудования ылан күн бүгүнүгэр дылы сыыр оҥорон атыыга таһаара олорор биир бигэ хаһаайыстыбаҕа кубулуйда.

2015 сыллааҕы отчуотунан ынаҕын уопсай ахсаана 301 буолла, мантан ыанньыга 146 төбө. Биир ынахтан ортотунан 2 397 кг. үүтү ыан баалабайынан 350 тн. үүтү оҥорон таһааран 219 тн. үүтү туттаран 8 103 тыһыынча солк. дохуоту ылла.

 

Үүт, эт атыытыттан киирэр дохуот

Көрдүрүү кээмэйэ былаан Былаан туолуута
2015 2015
1 Сүөһү уопсай ахсаана, барыта төбө 214 301
2 Ол иһигэр ыанар ынаҕа төбө 66 146
3 Баалабай үүт ыама ( тн) туонна 131 350,00
4 Атыыламмыт үүт     (тн..) туонна 126 219
7 Биир киилэ үүт сыаната солк. 30,00 37
8 µт атыытыттан киирбит дохуот тыһ.солк 3789 8103
9 Эти оҥоруу (тыын.ыйааһ.) туонна 9 17
10 Атыыламмыт эт (ыраас этэ) туонна 4 8,5
11 Биир киилэ эт сыаната солк. 368 350
12 Эт атыыламмытыттан дохуот тыһ.солк. 1604 2975

Былырыын Бүлүү эҥэр улуустарга от үүнүүтэ мөлтөх буолан, ыаллыы улуустарыттан от атыылаһан тиэниитигэр тахсыбыт ороскуотугар 198,40 тыһыынча солк. субсидиянан туһаммыта. Дьоҕус урбаанньыт миниистэристибэтиттэн 750 тыһ. солк., үүт аһы астыыр тэрили атыылаһыыга тахсыбыт ороскуоту сабыныыга 55 тыһ.солк., тиэхиньикэ атыылаһыытыгар тахсыбыт ороскуокка 86 тыһ.солк. итиэннэ хотонугар ынаҕы ыыр, уу иһэрдэр, ноһуом таһаарар тэриллэри атыылаһан туруоруутугар тахсыбыт ороскуоту сабыныытыгар 167,50 тыһ. солк. субсидия быһыытынан ылбыта. Онон Афанасий Кузьмич Харлампьев аныгы кэм урбаанньыта буолан табыгастаахтык салайынан олорор инникигэ эрэллээх бастыҥ бааһынай буолла.

0
0
Тутаах тыллар
29 января 29.01
  • -48°
  • $ 73,82
  • 83,32