17 Тохсунньу 17.01
  • -48°
  • $ 73,82
  • 83,32

Бүлүүгэ Кэт Марсден кэллэ

Англия аһымал сиэстэрэтэ Кэт Марсден Бүлүү куоратыгар араҥ ыарыылаахтары эмтии кэлиитин 125 сылыгар аналлаах дьаһаллар Бүлүү улууһугар ыытыллаллар.


Бу күннэргэ Бүлүү куоратыгар уонна Сосновка сэлиэнньэтигэр Великобританияттан кэлэ сылдьар Кэйт Марсден амыдайа К.М.-Ренауф уонна   Саха сирин норуодунай бэйээтэ Иван Гоголев-Кындыл кыыһа Анна Гоголева-Ленская кыттыылаах дьаһаллар үөрүүлээх быһыыга-майгыга аастылар.

Бүлүү улууһун баһылыга Сергей Винокуровка ыытыллыбыт көрсүһүүгэ   К.Марсден 1891 с. историческай сырыытын, Бүлүү уонна Англия сибээстэрин туһунан ахтан-санаан аастылар.

Кэт (1)

Улуус баһылыгын социальнай бэлиитикэҕэ солбуйааччы Венера Тихонова иһитиннэрбитинэн, күндү ыалдьыттар куорат кэрэ-бэлиэ сирдэригэр сырыттылар. Ол иһигэр, Свято-Никольскай таҥара дьиэтигэр, Олоҥхо дьиэтигэр, К.Марсдеҥҥа аналлаах сквергэ, музейга уо.д.а. Олоҥхо дьиэтигэр кинилэри өрөспүүбүлүкэҕэ биллэр олоҥхоһут, тойуксут   Семен Иванов-Чочу Сэмэн алгыһынан көрүстэ.

Бу көрсүһүүгэ Кэйт Марсден Бүлүүтээҕи педагогическай колледжка анал стипендиятын устудьуонка С.Фокиноваҕа английскай тылы ситиһиилээхтик үөрэтэрин иһин туттарда. Былырыын Бүлүүгэ кэлэ сылдьыбыт чинчийээччи, Британия географияҕа уопсастыбатын чилиэнэ Джеки Хилл-Мерфи эҕэрдэтин видеонан иһиттилэр.

Ону таһынан соторутааҕыта «Бичик» кинигэ кыһатыгар бэчээттэнэн тахсыбыт Анна Гоголева К.Марсден туһунан «Дорогой сердца» кинигэтэ сүрэхтэннэ.

Кэт 1 (1)

Эдэркээн чинчийээччи амыдайа Кэйт Марсден олоҕун кэнники сылларыгар көрсүбүт үүрүү-түүрүү ыарахаттарын туһунан архыып саҥа сыаннай докумуоннарын туттарда.

«Алгыс» сынньалаҥ киинигэр Бүлүү норуодунай тыйаатыра СӨ култууратын үтүөлээх үлэһитэ Маргарита Соколова режиссердаан туруорбут «Таҥара ыыппыт аанньала» саҥа испэктээкилин көрдүлэр. Испэктээкил сүрэхтэниитин кэнниттэн улуус социальнай сулууспатын үлэһиттэригэр грамоталары уонна махтал суруктары туттардылар. К.Марсден аатынан интернат -дьиэ дириэктэрэ К.А.Корякинаҕа Бүлүү куоратын бочуоттаах олохтооҕун бэлиэтэ туттарылынна.

«К.Марсдеҥҥа аналлаах дьаһаллар манан бүппэттэр. Эһиил Бүлүүгэ Д.Х-Мерфи кэлэрин күүтэбит. Кини өр сыллаах чинчийэр үлэтин уонна Бүлүүгэ иккитэ кэлэ сылдьыбыт сырыытын түмүктэринэн   К.Марсден туһунан кинигэтин сүрэхтииргэ былааннанар», – диэн Венера Тихонова инники былааннарыттан үллэһиннэ

0
0
17 января 17.01
  • -48°
  • $ 73,82
  • 83,32