14 От ыйа 14.07
  • 31°
  • $ 87,74
  • 95,76

Бүлүү эдэр спортсменнарын чаҕылхай ситиһиилэрин дойдуларыгар чиэстээтилэр

15:00, 29 июля 2016
Текст:
Читайте нас на
Яндекс Новости
ЯДВ

От ыйын 28 күнүгэр Бүлүү куоратыгар “Кэскил” оҕо интеллектуальнай-айар киинигэр “Азия оҕолоро” норуоттар икки ардыларынааҕы спортивнай күрэхтэһии чемпионнарын уонна призердарын, бастакы тренердэрин чиэстиир тэрээһин ыытылынна, куорат киин болуоссатыгар эдэр ыччат эҕэрдэ кэнсэрдэ тэрилиннэ, фейерверк умайда.


Бүлүү оҕолоро бу спортивнай оонньууларга 4 кыһыл көмүс, 3 үрүҥ көмүс, 5 боруонса мэтээллэр хаһаайыннарынан буолбуттара улуус спордун историятыгар улахан ситиһии быһыытынан сыаналанна. Ити туһунан улуус дьаһалтатын баһылыгын бастакы солбуйааччы Василий Лукин, спорткомитет салайааччыта Гаврил Евсеев истиҥ-иһирэх тылларынан аҕыннылар, эдэр спортсменнарга, бастакы тренердэргэ харчынан бириэмийэ сертификаттарын туттардылар.

Көҥүл тустууга 46 кг ыйааһыҥҥа Айсен Никифоров, боксаҕа Мичилина Сантаева, хапсаҕайга 62 кг ыйааһыҥҥа Сергей Каратаев, кылыыга Света Макарова кыһыл көмүс мэтээллэри ыллылар.

Үрүҥ көмүс мэтээллэр хаһаайыннарынан ыстаҥаҕа Света Макарова, тустууга Афоня Петров, дуобакка Валентин Орлосов буоллулар.

Боруонса мэтээллэри көҥүл тустууга Эльшат Агаев, Алина Дырахова, 1500 уонна 800 м сүүрүүгэ Николай Калачиков, боксаҕа Айаан Ксенофонтов ыллылар. Өссө икки эдэр спортсмен төрдүс миэстэ буоллулар.

Бу тэрээһиҥҥэ көҥүл тустууга Европа юниордарга чемпионкатын Бүлүүттэн төрүттээх Марина Рассадинаны, оҕунан ытыыга ситиһиилэрдээх Валя Евдокимованы чиэстээтилэр.

Следите за самым важным и интересным в Telegram-канале и WhatsApp-группе ЯСИА