18 От ыйа 18.07
  • 20°
  • $ 88,09
  • 96,3

"Азия оҕолоро" спортивнай оонньууларга сүүмэрдиир турнирга

11:57, 29 января 2016
Текст:
Читайте нас на
Яндекс Новости
ЯДВ

От ыйын 6-16 күннэригэр Дьокуускай куоракка ыытыллар «Азия оҕолоро» VI спортивнай оонньууларга сүүмэрдиир күрэхтэһиигэ Дьокуускай куораттан, Нам, Кэбээйи, Бүлүү, Үөһээ Бүлүү, Сунтаар, Ньурба улуустарыттан 201 эдэр бөҕөс кытынна. Кылаабынай судьуйанан биир дойдулаахпыт, норуоттар икки ардыларынааҕы категориялаах судьуйа А.Е. Мостахов үлэлээтэ.
Ньурбаттан тренер И.И. Гаврильев салалтатынан «Олимп» кулууп аҕыс иитиллээччитэ туһунна. Олус тыҥааһыннаах киирсиилэр буолуталаатылар, хас ыйааһын аайы сүүрбэччэлии хапсаҕайдьыт иэмэх мастыы эрийистэ. Биһиги уолаттарбытыттан 70 кг үөһээ ыйааһыҥҥа Ньурбатааҕы техникум устудьуона Алексеев Айтал иккис буолла.
Хапсаҕайдьыттары олунньуга Кэбээйи улууһугар, кулун тутарга-муус устарга Дьокуускайга өрөспүүбүлүкэтээҕи күрэхтэһиилэр күүтэллэр.
Бу сүүмэрдиир турнирдар кэннилэриттэн Монголияҕа сбордар тэриллиэхтэрэ. «Азия оҕолоро» оонньууларга Саха сириттэн кимнээх кытталлара ити тэрээһиннэр түмүктэринэн биллиэҕэ.

Следите за самым важным и интересным в Telegram-канале и WhatsApp-группе ЯСИА