Чэппиэргэ, алтынньы 19 күнүгэр, Анаабыр оройуонун Сааскылаах нэһилиэгэр Авиатордар уулуссаларыгар чааһынай гараж умайда. Бу туһунан Саха сиринээҕи ЫБМ пресс- сулууспата иһитиннэрэр.
Баһаар туһунан иһитинэрии быыһыыр сулууспаҕа 08:25 чааска киирбит. Баһаарынайдар быһылаан буолбут сиригэр тоҕус мүнүүтэнэн тиийбиттэр. Бу кэмҥэ гараж иһэ аһаҕас уокка былдьаммыт.
Баһаарынайдар икки таһаҕас тиэнэр массыынаны уонна «Мазданы» уоттан быыһаатылар. Гараж 20 квадратнай миэтэрэ иэнэ уокка былдьанна.
Баһаар тахсыбыт биричиинэ, буруйдаах сирэй уонна хоромньу чуолкайданар. Уоту умуруорууга 14 киһи уонна икки анал тиэхиньикэ үлэҕэ тардылынна.
