Саха сиригэр РФ ИДьМ патрульнай-постовой сулууспата төрүттэммитэ 100 сылыгар анаммыт тэрээһин ыытылынна .
Бу туһунан СӨ Баһылыгын уонна Бырабыыталыстыбатын пресс-сулууспата иһитиннэрэр. Патрульнай-постовой сулууспа үлэһиттэрин уонна бэтэрээннэрин бу бэлиэ күнүнэн Ил Дархан Айсен Николаев эҕэрдэлээтэ уонна Махтал суруктары туттарда.
«Эһиги эрэ аан бастакынан дьоҥҥо көмөҕө кэлэҕит. ИДьМ суулуспатыгар бэриниилээх уонна дьоһун үлэҕитинэн өрөспүүбүлүкэҕэ кэнники сылларга буруйу оҥоруу таһыма кыччыыр. Эһиги үлэҕитигэр ситиһиини уонна дьиэ кэргэҥҥитигэр этэҥҥэ буолуун баҕарабын. Төрөөбүт Сахаҕыт сирэ эһигини, сокуону араҥаччылааччылары, мэлдьи өйүөҕэ», – диэтэ Айсен Николаев.
Патрульнай-постовой сулууспа Арассыыйа полициятын биир саамай элбэх үлэһиттээх салаанан буолар. Бүгүн ИДьМ «Дьокуускайдааҕы» муниципалитеттар икки ардыларынааҕы салалтатыгар 212 полиция баар, кинилэр сулууспа үлэтин чиэстээхтик салҕыыллар.
ИДьМ «Дьокуускайдааҕы» муниципалитеттар икиик ардыларынааҕы салалтатын полиция патрульнай-постовой сулууспатын үлэһиттэрин бу бэлиэ тэрээһиҥҥэ СӨ ИДьМ миниистирэ, полиция генерал-лейтенана Владимир Прокопенко уонна Дьокуускай куорат мэрэ Евгений Григорьев эҕэрдэлээтилэр.
Бэлиэ тэрээһин кыттыылаахтара үлэлии сылдьан өлбүт ИДьМ үлэһиттэрин – милиция капитана Владислав Фелькер, старшай лейтенант Федор Авдеев, старшай прапорщик Семен Птицын, прапорщик Матвей Лобанов, старшай сержант Аркадий Саввинов, сержант Аркадий Матвеев ааттарын кэриэстээн, ахтан-санаан аастылар. Кинилэр – эр санаа, хорсун быһыы, патриотизм уонна бирисээгэҕэ бэриниилээх буолуу холобурунан буолаллар.
Сайаана Львова, Саха сирэ
