Быйыл Саха сиригэр түөрт бөдөҥ муоста үлэҕэ киирэрэ былааннанар — Томпо оройуонугар Ольчан, Мииринэйгэ Чуоналыыр, Кэбээйигэ Хатыҥ Үрэх, Сунтаарга Улахан Харыйалаах үрэхтэри туоруур күргэлэр үлэлэрэ саҕаланыаҕа.
Муосталар Владимир Путин көҕүлээбит «Безопасные качественные дороги» национальнай бырайыагынан тутуллаллар. Ол туһунан регион салалтатын пресс-сулууспата суруйда.
Саха сиригэр бүтэһик биэс сылга 50 муоста тутулунна. Регион баһылыга Айсен Николаев Ил Түмэҥҥэ этиитигэр кэлэр биэс сылга өссө биир итиччэ муоста тутулларын иһитиннэрдэ.
2024 сылга Өлүөнэ эбэни туоратар муоста тутуута саҕаланыаҕа. Дойду президенэ Владимир Путин сорудаҕынан, бөдөҥ тутуу 2028 сылга үлэҕэ киириэхтээх.
