Саха сирин фермердэрин өйөөһүҥҥэ федеральнайдааҕы уонна өрөспүүбүлүкэтээҕи бюджеттартан 339 мөл солк көрүлүннэ. Бу туһунан ТАСС-ка регион тыатын хаһаайыстыбатын министиэристибэтэ иһитиннэрдэ.
«Саха сиригэр фермердэри өйүүр сыаллаах дьиэ кэргэн фермаларын өйүүргэ судаарыстыбаннай бырагыраама үлэлиир итиэннэ «Агростартап» федеральнайдааҕы бырайыак. Быйыл федеральнайдааҕы уонна өрөспүүбүлүкэтээҕи бюджеттартан 339 мөл солк көрүлүннэ», — диэтилэр биэдэмистибэҕэ.
Дьиэ кэргэн фермаларын сайыннарыыга көрүллэр субсидиянан КФХ-ҕа чилиэнинэн үлэлиир аймахтыылар туһаныахтарын сөп. Субсидия куонкурсун ситиһиилээхтик ааспыттар ферма тутуутугар, саҥардыытыгар, өрөмүөҥҥэ, сүөһү атыылаһыытыгар уо.д.а. харчыны туттуохтарын сөп.
Субсидия кээмэйэ — 2 — 15 мөл солк диэри. Быйылгы куонкуруска 24 КФХ кыайан, 223 мөл солк тыырылынна.
Саха сирин былааһа иккис сылын «Дьоҕус уонна орто предпринимательство» нацбырайыагынан «Агростартап» бырайыагы саҕалааччы фермердэри өйүүр сыаллаах үлэлэтэр.
Кыайыылаахтар хаһаайыстыбаларын хайысхатынан 6 мөл солк тиийэ ылыахтарын сөп. «Агростартап-2020» кыайыылаахтара от ыйын саҕаланыыта биллиэхтэрэ. Харчыны сүөһү, техника, бородууксуйаны оҥорон таһаарыыга оборудование, сир учаастагын атыылаһыытыгар туттуохха сөп. Маны сэргэ эбийиэктэри инженернэй ситимнэргэ холбооһуҥҥа уо.д.а.
