Шри-Ланкаттан сылдьар спортсменнар «Азия оҕолорун» Оонньуутугар бастакы кыттыылара. Кыайыыга дьулуурдаахтар, эрэллээхтэр.
Итии дойду олохтоохторо күрэхтэһии үгүс көрүҥэр бэйэлэрин дойдуларын дорҕоонноохтук ааттатан эрэллэр.
Уопсайа 11-тэн 16-гар диэри саастаах 40 спортсмен оҕону 20 тренер арыаллаан аҕалбыт. Ыраах дойду тренердэрэ бачча элбэх кыттааччыны күрэхтэһиннэрэ аҕалбыттара мээнэҕэ буолбатах.
— Бэйэлэрин дойдуларыгар араас күрэхтэһиилэргэ кыттан, өрүү бастыыр оҕолорбутун аҕаллыбыт. Онон Саха сирин маннык үчүгэй усулуобуйалаах спортивнай ареналарыгар эдэр спортсменнарбыт бары да үчүгэй көрдөрүүлэниэхтэрэ диэн эрэллээхпит, — дииллэр Шри-Ланка спортсменнарын тренердэрэ.