24 От ыйа 24.07
  • 16°
  • $ 87,3
  • 95,46

«Вытрезвителлэр» аһыллар сокуоннара ылылынна

12:01, 21 апреля 2023
Текст:
Фото: Василий Кононов
Читайте нас на
Яндекс Новости
ЯДВ

Ил Түмэн 43-с уочараттаах пленарнай мунньаҕар «Арыгы, наркотик эбэтэр атын токсическай сүһүрүүттэн итирэн өйө-төйө суох туруктаах дьоҥҥо көмөлөһөр анал тэрилтэлэр тэриллэллэрин туһунан» сокуон бырайыагын көрдүлэр.

Сокуон барыла СӨ Бырабыыталыстыбатын уонна норуот дьокутааттара А.А. Григорьева, В.И. Чичигинаров, С.М. Березин, А.Н. Дорогань, О.Т. Михайлова, М.Н. Христофорова, Л.Л. Явловская көҕүлээһининэн оҥоһулунна.

Бу сыл олунньутугар ааспыт мунньахха бастакы ааҕыыны ааспыта. Тустаах сокуон бырайыага өрөспүүбүлүкэ боломуочуйатын чэрчитинэн ырытыллан оҥоһулунна.

Бу сокуон барыла «Арассыыйа субъектарыгар публичнай былааһы тэрийии уопсай бириинсиптэрин туһунан»  федеральнай сокуон чэрчитинэн оҥоһулунна, онно этиллэринэн, дойду субъектарын судаарыстыбаннай былааһын уорганнара арыгыга, наркотиктаах эбэтэр атын токсическай сүһүрүүттэн итирэн өйө-төйө суох туруктаах дьоҥҥо көмөлөһөр дьаһаллары ылыныахтарын уонна анал тэрилтэлэри тэрийиэхтэрин сөп диэн суруллар.

Бу үлэни хас даҕаны биэдэмистибэннэй тэрилтэ сүрүннүүрүнэн, «вытрезвители» тэрийиигэ сокуонунан боломуочуйалары бигэргэтии наада этэ.

Мэдиссиинэ тэрилтэлэрэ сыл аайы өрөспүүбүлүкэ оройуоннарыгар уонна куораттарыгар 1000-нан киһини полицияҕа аҕаларын холобурдаатылар. Онон сибээстээн, бу сыл устата Үлэ уонна социальнай сайдыы министиэристибэтин дьаһалыгар киирэр «Социальнай хааччыйыы өрөспүүбүлүкэтээҕи кэлим киинин» иһинэн «вытрезвителлэри» тэрийэр туһунан эттилэр. Дьиҥэ, бу анал тэрилтэ ааспыт сылтан тэриллэ сатыыр. Ол гынан баран үбүлээһин источнига көһүннэҕинэ диэн буолбута.

Пленарнай мунньахха дьокутааттар биир санаанан сокуону ылыннылар.

Источник: Сайаана Львова, «Саха сирэ» сайт

Следите за самым важным и интересным в Telegram-канале и WhatsApp-группе ЯСИА
Тутаах тыллар