24 От ыйа 24.07
  • 25°
  • $ 87,3
  • 95,46

Улууска үлэлии барыан баҕалаах ыччакка анаан Дьокуускайга аһаҕас аан күнэ ыытылынна

17:09, 29 июня 2017
Текст:
Читайте нас на
Яндекс Новости
ЯДВ

«Импульс» ыччат үлэҕэ биржата өрөспүүбүлүкэ улуустарыгар үлэлии барыан баҕалаах ыччакка анаан аһаҕас ааны тэрийдэ. 


Биржа алта үлэни биэрээччини кытта бииргэ үлэлиир. Мииринйгэ Геннадий Трошев аатынан кадет оскуола-интерната, Ленскэйгэ 4 №-дээх оскуола эдэр үлэһиккэ наадыйаллар, «Сахаэнерго» хампаанньа хотугу улуустарга үлэлиэн баҕалаахтарга вакансия биллэрбит, «Почта Банк» чугастааҕы муниципалитеттарга үлэлиир үп экспердэрин көрдүүр, Дьокуускай куоракка «ДСК»-ҕа тутааччылар тиийбэттэрин тэрилтэ биллэрбит.

«Орто уонна үрдүк үөрэхтээх эдэр дьон үлэнэн хааччыллыахтарын сөп. Улууска баран үлэлиэн баҕалаахтарга судаарыстыба өйөбүлэ уонна атын сиргэ көһүү бырагыраамата көрүллэр. Биһиги дуогабар түһэрсэн, айанын уонна 5 туоннаҕа диэри таһаҕаһын төлүөхпүтүн сөп. Атын да көҕүлүүр миэрэлэр бааллар», — диир «Импульс» салайааччыта Сергей Егоров СИА-ҕа.

Кини этэринэн, үлэ көрдөөччүлэргэ хас да анал бырагыраама үлэлиир. Бары эдэр исписэлиис үлэ буларыгар чэпчэтии оҥорорго уонна салгыы идэтинэн үрдүүрүгэр туһуламмыттар.

«Стажировка» бырагыраама үлэ ыстааһа суох сотрудник наставниктан уопут ыларыгар туһалыа. Онно анаан судаарыстыбаннай бюджеттан кини наставнигар уонна үөрэх ааһааччыга хамнастарын сорох чааһа тэрилтэҕэ компенсацияланар.

«Олохтоох кадрдар промышленноска» бырагыраама анал бырайыак буолар. Хампаанньалар эдэр исписэлиистэргэ үлэ миэстэтин таһаараллар. Бырайыак партнердарынан «Колмар», «Якутуголь», «Алданзолото» уонна «Золото Селигдара» тэрилтэлэр буолаллар.

«Биһиэхэ промышленность эйгэтигэр өрөспүүбүлүкэҕэ үөрэммит олохтоох кадрдарга анаан 600-тэн тахса вакансия аһаҕас. Дьон бу маннык бырайыактарынан олус интэриэһиргиир. Ыччат тыа сиригэр үлэлиэн баҕарарын биллэрэрэ хайҕаллаах. Онно ыччат бэйэтин үлэһит быһыытынан көрдөрөрүгэр элбэх кыах баар«, — диэн эбэн эттэ Егоров.

Следите за самым важным и интересным в Telegram-канале и WhatsApp-группе ЯСИА
Тутаах тыллар