21 От ыйа 21.07
  • 25°
  • $ 88,02
  • 96,04

«Таптал» дырааманы устудьуоннар Саха тыйаатырыгар көрдөрдүлэр

14:52, 23 октября 2016
Читайте нас на
Яндекс Новости
ЯДВ

Култуура уонна искусство коллеһын устудьуоннара уонна «Күн Өркөн» ыччат тыйаатырын артыыстара алтынньы 19 уонна 20 күннэригэр Саха тыйаатырын сценатыгар оонньоотулар.


Кинилэр Алампа Соппуруонап «Таптал» уонна Дмитрий Сивцев-Суорун Омоллоон «Күн күөрэйиэн иннинэ» айымньыларынан туруоруллубут испэктээкиллэри көрөөччү дьүүлүгэр таһаардылар. Икки үлэни колледж дириэктэрэ Захар Никитин режиссердаан туруорда.

«Таптал» дыраама Алампа төрөөбүтэ 130 уонна айымньы суруллубута 100 сылыгар ананна. Манна даҕатан эттэххэ, Захар Никитин Д.Ходулов аатынан норуодунай тыйаатырга туруорбут «Таптал» дыраамата Алампа төрөөбүтэ 125 сылыгар анаммыт күннэр бырагыраамаларыгар киирсэн, П.Ойуунускай аатынан тыйаатырга көрдөрүллүбүтэ. Испэктээкил 2005 с. Улан Удэҕэ «Театральнай транзит» норуоттар икки ардыларынааҕы фестивальга кыттыбыта.

«Тапталга» саха норуотун өрөбөлүүссүйэ иннинээҕи олоҕун, дьахтар тэҥ бырааба суох ыар дьылҕалаах олоҕун эдэркээн артыыстар итэҕэтиилээхтик оонньоотулар. Дыраамаҕа Кэтирииһи – Полина Григорьева, Бүөтүрү – Ян Березкин, Күлүгү – Сандал Захаров, Сис Сэмэнин – Ньургун Христофоров уо.д.а. толордулар.

«Күн күөрэйиэн иннинэ» испэктээкил 2016 с. Москва уобалаһыгар ыытыллыбыт «Тыйаатыр ассамблеялара» норуоттар икки ардыларынааҕы V фестивальга Гран-при ылбыта.

Следите за самым важным и интересным в Telegram-канале и WhatsApp-группе ЯСИА