Орто үөрэх тэрилтэлэригэр саҥа үөрэх дьылыгар докумуону тутуу 2020 сыл бэс ыйын 20 күнүттэн саҕаланара былааннанар. Быйылгы уратыта — сайабылыанньалары Саха Өрөспүүбүлүкэтин үөрэх өҥөтүн порталын нөҥүө электроннай көрүҥүнэн тутуохтара.
Билигин колледжтар уонна техникумнар анал бырагыраамалары оҥороллор, тутар хамыыһыйалар эппиэттээх сэкирэтээрдэрин үөрэтэллэр. СӨ саҥа технологияларга институт уонна инфокоммуникационнай технологияларга өрөспүүбүлүкэтээҕи киин техническай өрүтүгэр көмөлөһөллөр.
Колледжтар тутар хампаанньалара «Е-Услуги. Образование» автоматизированнай информационнай систиэмэ сириэстибэлэринэн салаллыа. Бу «Сетевой город. Образование. Модуль ПОО» систиэмэни кытта бииргэ үлэлиир. Онон абитуриент үөрэххэ киирдэҕинэ тута колледж электроннай сурунаалыгар суруллан иһиэҕэ.
Сайабылыанньалары регистрациялааһын https://edu.e-yakutia.ru порталга бэс ыйын 20 күнүттэн саҕаланыа. Онно анаан абитуриент https://www.gosuslugi.ru/ порталга «учетнай записьтаах» буолуохтаах. Эрдэттэн учуокка турууну оҥосто сылдьаргытыгар сүбэлииллэр.
