29 Тохсунньу 29.01
  • -48°
  • $ 73,82
  • 83,32

"Талаан кустуга" фестиваль "Азия оҕолоро" Оонньууну киэргэттэ

15:57, 09 июля 2016

Саха сирин хоту улуустарын уус-уран коллективтара «Азия оҕолоро» Оонньуу култуурунай бырагырааматыгар кытталлар. «Талаан кустуга» фестиваль чэрчитинэн кинилэр бүгүн Хомсомуол буолуоссатыгар кэнсиэрдээтилэр.


«Биһиги «Азия оҕолоро» Оонньууга аан бастакыбытын кыттабыт. Оонньууну үөрүүлээхтик аһыы сиэригэр-туомугар кыттыбыппыт. Стадиоҥҥа сылдьан кууспут санааны тылынан тиэрдэр уустук. Уот-күөс, тыас-уус, дьүһүйүү барыта өйбүтүгэр, дууһабытыгар иҥэн хаалла», — диэн Абый Кэбэргэнэтиттэн кэлбит эбээн «Нёлтэнкэ» («Солнышко») ансамбылын кыттыылааҕа Валя Рязанская кэпсээтэ. Оонньуу сабыллыытыгар хоту дойду үҥкүүһүттэрэ, ырыаһыттара кыттыахтара.

Аллайыаха, Абый, Өймөкөөн, Эдьигээн, Өлөөн, Муома, Үөһээ Дьааҥы, Усуйаана, Эбээн Бытантаай аҕыйах ахсааннаах төрүт омуктара бүгүҥҥү кэнсиэргэ кытыннылар.

Эрчимнээх үҥкүү-битии, ырыа-тойук, төрүт үгэстэр, оҕо дьоллоох мичээрэ фестивалы киэргэттэ.

0
0
29 января 29.01
  • -48°
  • $ 73,82
  • 83,32