Балаҕан ыйыттан Саха сиригэр физическэй сирэйдэр баай-дуол иһин нолуоктарын төлүүр хампаанньа саҕаламмыта. Барыта холбоон 385 тыһыынчаттан тахса иэс төлүүр туһунан суругу ыыттылар, уопсай суумата 1,2 млрд солк. тахса буолла. Бу туһунан социальнай ситимнэргэ быһаччы эфир кэмигэр өрөспүүбүлүкэҕэ УФНС салайааччытын солбуйааччы Владислав Скрябин иһитиннэрдэ.
« Ахсынньы 1 күнүгэр диэри төлөнүөхтээх баай-дуол иһин нолуоктары аахпыттарын суумата өрөспүүбүлүкэ үрдүнэн 1,2 млрд солк. кэриҥэ буолла. Ааспыт сылга тэҥнээтэххэ, 16,5% улааппыт. Онуоха, ааҕыллыбыт суума 68 %- на тырааныспар иһин нолуокка киирсэр», — диэтэ Скрябин.
Кини Саха сиригэр баай-дуол нолуогун кэмигэр төлүүр орто таһыма номнуо хас да сыл устата орто көрдөрүүттэн намыһах буолбутун бэлиэтээтэ. Ааспыт сыл түмүгүнэн Арассыыйа үрдүнэн ортотунан 68,1 % буолбут, дойду үрдүнэн орто көрдөрүү 79,3 % тэҥнэһэр.
