28 Бэс ыйа 28.06
  • -7°
  • $ 104,68
  • 115,6

Саха сирин музейдара 800-тэн тахса экспонаты 14,3 мөл солк ылар кыахтаахтар

Саха сирин судаарыстыбаннай музейдарыгар 14,3 мөл солк пуондаларын хаҥатталларыгар анаатылар. Россия норуоттарын култууратын үйэлээх баайын сылыгар ананар. Ол туһунан култуура миниистирэ Юрий Куприянов «Якутия 24» ханаалга кэпсээтэ. 

Миниистир Юрий Куприянов эппитинэн, Саха сирин судаарыстыбаннай уонна муниципальнай музейдарыгар 490 тыһыынча экспонат хараллан сытар.

«Саамай ураты экспонат Ярославскай аатынан Саха сиринээҕи музейга баар. Бу — гренландской кит. Оригинальнай экспонаттарга киирсэр — монгольскай халаат 17 үйэтээҕи, Ньурбаҕа Уткин аатынан  норуоттар доҕордоһууларын музейыгар хараллан сытар. Интэриэһинэй экспонат —  Урал мотоцикл, Дьокуускай — Москва — Дьокуускай хайысханан 70-с сыллардаахха айаннаабыт, билигин Сивцев аатынан Нам этнографическай музейыгар баар.  Хомус музейыгар космоска сылдьыбыт хомус ууруллан турар. Музейдарга баар экспонаттар улахан чаастарын саха култууратын уонна норуоттарын олохторун кэпсиир предметтар ылаллар»,— диэтэ миниистир.

Быйыл бырабыыталыстыба көрбүт 14,3 мөл солк үбүлээһинэ музейдар пуондаларын хаҥатыыга ананар. Манна 800-тэн тахса культурнай сыаннас ылыллыан сөп.

Следите за самым важным и интересным в Telegram-канале и WhatsApp-группе ЯСИА
0
0