Балаҕан ыйын 29 алтынньы 3 күннэригэр Саха сирин буоксаҕа талыллыбыт хамаандата Улан Удэ куоратыгар Уһук Илин чөмпүйэнээтигэр кыттыа. Хамаанда састаабыгар уон бөҕөс киирсиэ.
Турнир кыайыылаахтара сэтинньигэ Арассыыйа буоксаҕа чөмпүйэнээтигэр кыттыахтара. Сүүмэрдэммит хамаанда састаабыгар 49 киилэҕэ Николай Усов, Николай Григорьев, Талбан Егоров (52 кг), Айаал Степанов, Михаил Варламов (57 кг), Виталий Стручков, Ян Алексеев (69 кг), Саид Максимов, Валентин Гаилов (63 кг), Арчын Пустоляков (69 кг) киирсиэхтэрэ.
Пандемиянан сибээстээн күрэхтэһии көрөөччүлэрэ суох барыа. Балаҕан ыйын 29 күнүгэр спортсменнары ыйааһын, сэрэбиэй ыытыллыа, күрэхтэһии балаҕан ыйын 30 күнүттэн алтынньы 3 күнүгэр диэри барыа.
