Ааспыт сылга 804 эдэр ыалга 50-нуу тыһыынча солкуобайдаах эбии өйөбүл оҥоһулунна, онно 40,2 мөл. солк. ыытыллыбыта. 2024 сылга, урукку сылга, маннык өйөбүлү 940 Саха сирин олохтооҕо ылбыта, уопсай суумата — 47 мөл. солк.
«Ааспыт сылга биһиги кэргэмминээн ыал буолбуппут. Мин — 22, кэргэним — 24 сааспыт. Эдэр дьиэ кэргэттэри өйүүр бырагыраама көмөтүнэн өрөспүүбүлүкэбит бырабыыталыстыбатыттан 50 тыһыынча солкуобайдаах бэлэх ылбыппыт. Бу үбү биһиги олорор усулуобуйабытын тупсарыыга туттубуппут. Өрөспүүбүлүкэ салалтатыгар эдэр дьиэ кэргэннэргэ көмөлөрүн уонна өйөбүллэрин иһин махтанабын. Биллэн турар, суумата кыра, ол гынан баран биһиэхэ, саҥа дьиэ кэргэн тэриммит дьоҥҥо, улахан суолталаах», — диэн махталын биллэрдэ Дьокуускай олохтооҕо Мария Сидорова.
Эдэр дьиэ кэргэннэри өйөөһүн үлэтэ өрөспүүбүлүкэҕэ дойду бэрэсидьиэнэ Владимир Путин көҕүлээбит «Дьиэ кэргэн» уонна «Эдэр ыаллар уонна оҕолор» национальнай бырайыактар, ону тэҥэ «Биир ньыгыл Арассыыйа» баартыйа норуот бырагырааматын «Чэгиэн кэскил» бырайыагын чэрчитинэн ыытыллар.
