17 Тохсунньу 17.01
  • -48°
  • $ 73,82
  • 83,32

Саха сирин 11 боксера мэтээл иһин киирсиэҕэ

16:10, 11 июля 2016
Текст:

Түөрт күн устата боксаҕа ыытыллыбыт күрэхтэһиилэр кэннилэриттэн полуфиналга ким кыттара билиннэ. Кыргыттар ортолоругар финалга киирбиттэр билиннилэр. Саха сириттэн 10 ыйааһыҥҥа уопсайа 11 спортсмен рингэҕэ тахсыаҕа.


«Биһиги оҕолорбут куһаҕана суох күрэхтэһэ сылдьаллар. Баһыйар үгүстэрин утарсааччылара күүстээх спортсменнар, онон кыайтарыы да, кыайыы да баар. Турнир бүтэһигэр биһиги өрөспүүбүлүкэбит аатыттан кыттар 11 спортсмен хаалла», — диэн хамаанда салайааччыта боксаҕа Россия чөмпүйүөнэ Василий Лисица эттэ.

Саха сириттэн икки кыыс финалга диэри тиийдэ. 50 кг диэри ыйааһыҥҥа Мичилина Сантаева Казахстан бэрэстэбиитэлин Диана Кельманы кытта күөн көрсөр. Оттон 54 кг диэри ыйааһыҥҥа Күннэй Татаринова Хоргол Зул Долгирхангайы (Монголия) утары тахсыаҕа.

Уолаттарга элбэх боксер кыттыбыта. Турнирга араас дойдулартан 179 уол киирсиэҕэ.

Полуфиналга Саха сириттэн 9 спортсмен тиийдэ: Ян Алексеев (48 кг диэри), Денис Нехаев (50 кг диэри), Петр Егоров (52 кг диэри), Айкаар Олесов (54 кг), Эльмар Омаров (57 кг диэри), Назар Андреев (60 кг диэри), Айан Ксенофонтов (63 кг диэри), Станислав Новогородов, Улуу Баймат Тумарбек (80 кг диэри).

Боксаҕа киирсиилэр от ыйын 12 күнүгэр «Дохсун» манежка 15.00. чаастан саҕаланаллар.

0
0
17 января 17.01
  • -48°
  • $ 73,82
  • 83,32