2026 сыл бастакы аҥаарыгар өрөспүүбүлүкэ ГТАС уонна олохтоох бэйэни салайыныы уорганнара гражданскай турук аахталарын 15 тыһыынчаттан тахсаны суруйдулар.
Дьиэ кэргэн институтун бөҕөргөтүүгэ үлэ дойду Бэрэсидьиэнэ Владимир Путин көҕүлээбит «Дьиэ кэргэн» национальнай бырайыак чэрчитинэн ыытыллар.
Санатар буоллахха, 2024 сыл тохсунньу 1 күнүттэн эрэгийиэҥҥэ 25 саастарыгар диэри эдэр ыалларга 50 тыһыынча солкуобайдаах төлөбүр олоххо киирбитэ. 2024 сылга бу көмөнү 940 паара ылбыта, оттон 2025 сылга — 804 паара.
«50 тыһыынча солкуобайдаах төлөбүрү ылыы биһиэхэ дьиэ кэргэн олоҕун саҕаланыытыгар улахан өйөбүлүнэн буолла — бу үп-харчы суһал соруктары быһаарарга көмөлөстө уонна эдэр ыалларга кырдьык болҕомтолорун ууралларын итэҕэттэ. Өрөспүүбүлүкэ дьиэ кэргэн институтун бөҕөргөтүүгэ уонна ыччат чиҥ сойуустары тэринэригэр, инникигэ эрэллээхтик көрөрүгэр усулуобуйалары тэрийиигэ маннык улахан болҕомтону уурара олус сыаналаах», — диэн Дьокуускай куораттан эдэр ыал Эльза уонна Айаал махтал тылларын тиэрдэллэр.
