29 Тохсунньу 29.01
  • -48°
  • $ 73,82
  • 83,32

Саха сирэ "Арктика оҕолоро" биир кэлим бырагыраама туһунан Москваҕа кэпсээтэ

10:05, 03 марта 2020
Текст:

Федерация Сэбиэтин Арктикаҕа уонна Антарктикаҕа Сэбиэтигэр «Арктика оҕолоро» судаарыстыбаннай бырагыраама концепциятын туһунан дакылаат оҥоһулунна. Саха сирэ оҕолор доруобуйаларын харыстааһыҥҥа уонна үөрэх таһымын үрдэтиигэ бэлиэтээһиннэри оҥордо. 


Ил Түмэн сайта суруйарынан, регионнар оҕо доруобуйатын харыстааһыны тэрийиигэ федеральнай өйөбүлгэ наадыйалларын этиннилэр. Манна Краснодарскай кыраай, Крым курортарын уонна атын доруобуйаны чөлүгэр түһэрэр кииннэр инфраструктураларын туһанары бэлиэтээтилэр.

Ил Түмэн депутата Феодосия Габышева эппитинэн, «Арктика оҕолоро» бырагыраама биир хайысхатынан үөрэх хаачыстыбатын үрдэтиигэ усулуобуйа тэрийиитэ буолуохтаах. Бырайыакка этиллэринэн, федеральнайдааҕы бырагыраамаларынан үөрэх тэрилтэлэрин ахсаана кэҥиэхтээх.

Үгэс буолбут төрүт дьарыктаах сирдэргэ төрөппүттэрин кытта көс уонна көс аҥардаах олохтоох оҕолор үөрэхтэрин өйөөһүҥҥэ туспа хайысха биэриитэ этилиннэ.

Кадрынан хааччыллыы уонна үөрэҕи биэрии түмүктээх буолуутугар боппуруостар быһаарыллыахтаахтар. Арктика эргимтэтигэр учууталлар сүрүннээн айан ыараханыттан, интернет суоҕуттан, аныгы инфраструктура тэриллибэтэҕиттэн сылтаан аккаастаналлар. «Арктика учуутала» бырайыагы «Земскэй учуутал» бырайыакка хоһулуу тутан уларытан биэриини эмиэ киллэриэххэ сөп.

Аҕыйах ахмсааннаах төрүт норуоттар тылларынан суруллубут учебниктары, методическай босуобуйалары ылыыга үбүлээһини улаатыннарыы эмиэ наада.

0
0
29 января 29.01
  • -48°
  • $ 73,82
  • 83,32