28 Кулун тутар 28.03
  • -11°
  • $ 92,59
  • 100,27

Саха аһын Владивостокка буолар федеральнайдааҕы гастротурга көрдөрүөхтэрэ

Читайте нас на
Яндекс Новости
ЯДВ

«Саха сирин амтана» гастрономическай бэстибээл бырайыага балаҕан ыйын 23 — 25 күннэригэр «Арктикаттан Уһук Илиҥҥэ диэри» гастротурга кыттыаҕа. Тэрээһин Владивостокка буолар.

Ас форумун Приморскай кыраай Visit Primorye туристскай-информационнай киин тэрийэр, суруйар СИА регион ыалдьыты көрсүүгэ Ассоциациятыгар сигэнэн. «Саха сирин амтанын»  индигирка, кыһыллыбыт тоҥ чыыр, ыыһаммыт убаһа этэ уонна да атын деликатестар билиһиннэриэхтэрэ. Аһы «Атласовтар уһаайбаларын» шеф-асчыта Николай Атласов бэлэмниир.

«Бэстибээл Россия олохтоохторугар саха аһын билиһиннэрэр сыаллаах ыытыллар. Саха аһын уонна олохтоох бородууктаны дьоҥҥо амсатабыт. Биһиги оригинальнай ырысыаптары уонна  сырьёну туттабыт», — диэтэ Ассоциация салайааччыта Татьяна Тымырова.

Владивостоктааҕы бэстибээлгэ дойду 100-тэн тахса ресторатора уонна шеф-асчыта кыттыаҕа.

Хаартыска Андрей Сорокин, СИА

Следите за самым важным и интересным в Telegram-канале и WhatsApp-группе ЯСИА