16 От ыйа 16.07
  • 26°
  • $ 87,81
  • 95,78

Өрөбүллэргэ "Саха сирин балыга - 2022" дьаарбаҥка буолуоҕа

Читайте нас на
Яндекс Новости
ЯДВ

Чыыр, кээчирэ, муксун, нельбис, күндүөбэй, быраҥаатта уонна да атын балыгы оҥорооччулартан быһаччы тутулуктаах сыанаҕа ылыахха сөп. Дьокуускайга бу өрөбүллэргэ Комсомольскай болуоссакка үгэс буолбут «Саха сирин балыга-2022»дьаарбаҥка ыытыллар.

Бородууксуйаны тыа хаһаайыстыбатын кооперативтара, Арктика улуустарын общиналара, балык бородууксуйатын эйгэтигэр үлэлиир предпринимателлэр уонна да атыттар атыылыахтара.

«Саха сирин балыга» дьаарбаҥка балыктыыр хаһаайыстыбалары уонна чааһынай производствоны өйүүр сыаллаах ыытыллар. Онуоха куорат олохтоохторо тыа хаһаайыстыбатын оҥорон таһаарааччылартан бэйэлэриттэн быһаччы хаачыстыбалаах уонна сибиэһэй бородууксуйаны атыылаһар кыахтаахтар», — диэтэ өрөспүүбүлүкэ тыатын хаһаайыстыбатын миниистирэ Александр Атласов. Дьаарбаҥка кэмигэр култуурунай бырагыраама ыытыллыаҕа, хас биирдии киһи балык миинин боруобалыан, аукциоҥҥа кыттыан уонна саамай бөдөҥ балыгы сүүйүөн сөп. Маны таһынан бириистэри оонньотуохтара.

«Саха сирин балыга — 2022» дьаарбаҥка алтынньы 22-23 күннэригэр Комсомольскай болуоссакка 10- тан 17 чааска диэри буолуоҕа.

Следите за самым важным и интересным в Telegram-канале и WhatsApp-группе ЯСИА