Бэс ыйын 25 күнүгэр Александр Марченко диэн 2 №-дээх көс-холуонньаҕа буруйун боруостуур хаайыылаах үлэлиир сириттэн күрээбитин туһунан иһитиннэрии тарҕаммыта.
Уорууга, массыынаны күрэтиигэ түбэһэн, 4 сылга көҥүлэ быһыллыбыт Марченко “Виктория” ХЭО биир эбийиэгэр оробуочайынан үлэҕэ киллэриллибит (көс-холуонньа хаайыылаахтара итинник үлэлиир көҥүллээхтэр). Үлэ чааһын кэнниттэн холуонньаҕа төннөрүллүөхтээх киһини ити күн үлэтигэр суоҕун бэлиэтээн, ирдэбилгэ биллэрбиттэрэ.
РФ Накаастабылы толорор федеральнай сулууспатын Саха сиринээҕи управлениетын пресс-сулууспата СИА-ҕа иһитиннэрбитинэн, күрүөйэх хаайыылааҕы туттулар. Управление, 2-с, 3-с, 6-с, 7-с №-дээх холуонньалар оперативниктарын көмөлөрүнэн.
