13 От ыйа 13.07
  • 26°
  • $ 87,74
  • 95,76

Ксения Собчак саха киинэтин, режиссер Дмитрий Давыдов туһунан этиннэ

11:01, 15 февраля 2021
Текст:
Читайте нас на
Яндекс Новости
ЯДВ

Бүгүн режиссер Дмитрий Давыдов «Пугало» киинэтэ Москубаҕа «Октябрь» киинэ киинин улахан саалатыгар премьерата буолар. Маныаха блогер, суруналыыс Ксения Собчак бэйэтин Instagram сирэйигэр Дмитрий Давыдовка, саха киинэтигэр аналлаах пост таһаарда.


Кини «Пугалоны» сайын Сочига «Кинотавр»-га көрбүтүн этэр. Собчак Дмитрий Давыдов режиссер быһыытынан биллиитин туһунан бу курдук суруйар:

«Режиссер устуоруйата — фантастика!!! Дмитрий Давыдов — тыа сирин учуутала. Кини саха тыллаах киинэни үлэтин быыһыгар устар. 17 сыл үөрэнээччилэрин кытары кылгас киинэлэри, онтон уһун киинэлэри — 2014 сылтан устар. Давыдов киинэлэрин бэйэтин харчытыгар устар. «Костёр на ветру» дебютнай киинэтигэр, ол кэннэ «Ийэкээми» устарыгар кирэдьиит ылар. Ити киинэлэр киинэ фестивалларын кыттыылаахтара, ол эрэн дьиҥнээх билиниини «Пугало» аҕалар. Киинэ бүддьүөтэ, (болҕойуҥ!!) 1,5 мөл солкуобай», — диир Собчак.

Суругун бүтэһигэр Собчак суруналыыс кэллиэгэлэригэр туһаайан, «талааннаах киһиэхэ болҕомтолорун ууралларыгар» сүбэлиир.

Арассыыйа прокатыгар киинэ олунньу 25 күнүгэр тахсар.

Следите за самым важным и интересным в Telegram-канале и WhatsApp-группе ЯСИА