13 От ыйа 13.07
  • 31°
  • $ 87,74
  • 95,76

«Күн тыкта» - Саха сиригэр оҥоһуллар мүөт!

12:19, 03 сентября 2018
Текст:
Читайте нас на
Яндекс Новости
ЯДВ

Бу күннэргэ Нам Бастакы Хомустааҕар баар ыҥырыаны иитэр «Күн тыкта» диэн тэрилтэтэ сайыҥҥы үлэ түмүктэрин таһаарда.

Пиэрмэ салайаачыыта Илья Макаров кэпсээбитинэн, «Күн тыкта» Саха сиригэр баар мүөттээх тигээйилэри иитэр тэрилтэлэртэн биир бөдөҥнөрө. Бааһынай хаһаайыстыбаҕа алта уонтан тахса мүөттээх ыҥырыа олорор уйата баар. Пиэрмэ кинилэри бэйэтэ оҥорон таһаарар, ордугун атын тэрилтэлэргэ батаран эбии харчы киллэринэр.

Киһи үөрүөх, бу саҥа кэскиллээх салаанан олохтоох оскуолаҕа үөрэнээччилэрэ эмиэ дьарыктаналлар. Ааспыт сайын бэһис кылааһы бүтэрбит оҕолор көтөрдөрү бүөбэйдээтилэр, үөрэттилэр, кинилэр тустарынан элбэх саҥаны биллилэр-көрдүлэр.

«Күн тыкта» тэрилтэ Саха сирин тыа хаһаайыстыбатын министерствотыгар салгыы сайдар былааннарын көмүскээн былырыын грант ылбыта. Ол онтон киирбит үбүнэн тигээйилэр кыстыыр дьиэлэрин туппуттара уонна уот ситимин тардыбыттара.

Былырыын сайын 900 киилэ мүөтү хомуйбут эбит буоллахтарына, быйыл, хомойуох иһин, күн-дьыл туран биэрбэккэ 230 эрэ киилэ мүөтү хомуйбуттар. Ол эрэн тэрилтэ үлэһиттэрэ санааларын түһэрбэттэр, салгыы сайдар суоллары тобулаллар.

Следите за самым важным и интересным в Telegram-канале и WhatsApp-группе ЯСИА