Нам улууһун ытык киһитэ, үлэ-тыыл ветерана, Көбөкөн нэһилиэгин олохтооҕо Иннокентий Семенович Лукинов 90 сааһын туолла. «Ытык саас» бочуотунай бэлиэни түөһүгэр ииллилэр.
«Ытык кырдьаҕаспытын өрөгөйдөөх үбүлүөйүнэн итиитик-истинник эбэрдэлиибит! Сөҕөбүн эрэ, Иннокентий Семёнович билигин да ойо-тэбэ, каратэлыы сылдьар. Баҕарыам этэ чэгиэн-чэбдик доруобуйаны, дьолу-соргуну, өссө да сүүс сааскар тиийэргэр!«, — диэн Көбөкөн нэһилиэгин баһылыга Гаврил Гоголев эттэ.
Иннокентий Семенович «Ытык саас» бочуотунай бэлиэнэн уонна «За вклад в повышении статуса отца и укрепление института семьи» мэтээлинэн наҕараадаланна. Маны тэҥэ дойдубут Президениттэн, Ил Дарханыттан, Нам улууһун, Көбөкөн нэһилиэгин баһылыктарыттан уонна бэтэрээннэр сэбиэттэрин председателиттэн эҕэрдэ суруктары туттардылар.
Нэһилиэк дьаһалтатын, депутаттарын, общественноһын ааттарыттан 90 лиитэрэ бензин бэлэхтээтилэр, суруйда @gazeta_enseli
