КПРФ фракциятын дьокутааттарын бөлөҕө, кинилэр салайааччылара Геннадий Зюгановы кытта, ону тэҥэ сенатор Айрат Гибатдинов Судаарыстыбаннай Дуумаҕа олорор дьиэни уонна хомунаалынай өҥөлөрү төлөөһүҥҥэ субсидияны биэриигэ биир көрүүлээх эрэгийиэннээҕи сыһыаны олоххо киллэрэр туһунан сокуон барылын киллэрдилэр. Докуомуон алтынньы 5 күнүгэр палаата электроннай баазатыгар угулунна.
Ону таһынан, парламентарийдар маннык нуорманы бигэргэтэргэ этии киллэрэллэр: дьиэ кэргэн уопсай дохуотугар ЖКУ төлүүргэ гражданнар бэйэлэрин ороскуоттарын муҥутуур көҥүллэнэр өлүүтэ 10% куоһарыа суохтаах.
Көҕүлээһин ааптардара билигин дьон олорор дьиэтигэр уонна хомунаалынай өҥөлөрү төлүүргэ ороскуоттарын муҥутуур көҥүллэнэр өлүүтэ дьиэ кэргэн уопсай дохуотугар эрэгийиэннэринэн олохтонорун ыйдылар. Ол гынан баран, бырабыыталыстыба уурааҕынан бэдэрээлинэй ыстандаарт 22% быһыллыбыт.
Сокуону таһаарааччылар бэлиэтииллэринэн, маннык араастаһыы дьон субсидияны ыларга олорор сирдэриттэн тутулуктанар тэҥэ суох буолууга тиэрдэр.
Сокуон ылыллар түгэнигэр 2027 сыл тохсунньу 1 күнүттэн күүһүгэр киириэҕэ.
Саха парламент саайтан Артур Харбанов тылбаастаата.
