25 Тохсунньу 25.01
  • -48°
  • $ 73,82
  • 83,32

Хаһаайыстыбаннай кинигэни RegAgro системаҕа холбонору сүбэлииллэр

Олохтоох бэйэни салайыныы уорганнара оҥорор хаһаайыстыбаннай кинигэлэрин электроннай көрүҥҥэ көһөрүү 2022 сыл тохсунньу 1 күнүгэр дылы киириэхтээх. Ол туһунан тыа хаһаайыстыбатын сайдыытын стратегическай хайысхаларын туһунан Ил Дархан Ыйааҕар суруллар. 

Хаһаайыстыбаннай кинигэлэри электроннай көрүҥҥэ көһөрүүгэ методическай сүбэлэри тыа хаһаайыстыбатын министиэристибэтэ оҥорон, быйыл бырабыыталыстыба биһирэбилин ылбыта.
Чааһынай дьон кэтэх хаһаайыстыбаларын туһунан дааннайдар (ол эбэтэр кинилэр сирдэрэ, сүөһүлэрэ, сылгылара, техникалара) хаһаайыстыбаннай эрэ кинигэҕэ учуоттанар.

Билигин электроннай хаһаайыстыбаннай кинигэҕэ көһөргө элбэх бырагыраамалар, систиэмэлэр бааллар. Биир табыгыстаах систиэмэнэн Тыа хаһаайыстыбатын министиэристибэтэ нэһилиэк администрацияларыгар RegAgro систиэмэни сүбэлиир. Бу систиэмэ биир ордук төрүөтэ диэн өрөспүүбүлүкэҕэ 2020 сыллаахтан ветеринария Департамена RegAgro систиэмэни туһанан, сүөһүнү чииптээһини, маркировканы ыытар, сыыппара учуотугар киллэрэр.

Алтынньы ый 7 күнүнээҕи туругунан, өрөспүүбүлүкэ үрдүнэн уопсай сүөһү ахсааныттан 72%-на, ол эбэтэр 171 717 төбө маркировкаланна уонна чииптэннэ. Бу сүөһүттэн RegAgro систиэмэҕэ 168 431 төбө, ол эбэтэр 98 %- электроннай регистрацияны ааста.

Итинэн сибээстээн RegAgro системаҕа хаһаайыстыбаннай кинигэ киирдэҕинэ кэтэх хаһаайыстыба даннайдара барыта биир системаҕа холбонор, сүөһү ахсаанын чопчу сыыппаратыгар бутуур тахсыа суоҕа.

RegAgro систиэмэ сыаната бастакы сылга 11 300 солк. (ол иһигэр 9000 солк. – холбонуута уонна систиэмэ настройката, 2300 солк. – сыллааҕы хааччыйыыта). Онтон кэлин сыллааҕы хааччыйыыта эрэ төлөнөр – 2300 солк.

RegAgro систиэмэ туһунан бу нүөмэрдэргэ билсиҥ: +7 (914) 050-08-03, +7 (924) 555-87-95 (whatsapp, telegram ) эбэтэр бу электроннай почтаҕа: mav@regagro.ru суруйун (Молчанов Александр Васильевич, бырайыак кураатара), иһитиннэрдэ министиэристибэ пресс-сулууспата.

0
0
25 января 25.01
  • -48°
  • $ 73,82
  • 83,32