25 От ыйа 25.07
  • 24°
  • $ 86,55
  • 94,38

Үөһээ бүлүүлэр Василий Титов туһунан киинэ устуохтара

Читайте нас на
Яндекс Новости
ЯДВ

Саха АССР үтүөлээх артыыскатын, Саха Өрөспүүбүлүкэтин норуодунай артыыскатын, Былатыан Ойуунускай аатынан Государственнай Бириэмийэ Лауреата, биһиги биир дойдулаахпытын Зоя Петровна Багынанованы кытта улуус баһылыгын социальнай хайысхаҕа уонна дьиэ кэргэн бэлиитикэтигэр солбуйааччы Анна Уларова уонна улуус баһылыгын дьаһалта дьыалатын салайыыга солбуйааччы Михаил Егоров көрүстүлэр.

Зоя Петровна Үөһээ Бүлүү улууһун Далыр нэһилиэгиттэн төрүттээх биһиги тумус туттар киһибит, билигин Былатыан Ойуунускай аатынан Саха тыйаатырыгар айар-тутар үлэни ыытар. Бэйэтэ киинэ устар бөлөҕү тэрийэн, бу сыл атырдьах ыйыттан Мэйик нэһилиэгиттэн төрүттээх суруйааччы Василий Титов олоҕун туһунан уус-уран киинэни устар баҕалааҕын биллэрдэ. Киинэ Үөһээ Бүлүү улууһа төрүттэммитэ 90 сылыгар ананар.

Үөһээ Бүлүү улууһун баһылыга Валерий Валерьевич Николаев сорудаҕынан эһиилги үбүлүөйдээх сылга бэлэмнэнии саҕаланар.

Үбүлүөйдээх тэрээһиннэр чэрчитинэн, биһиги улууспут биир биллэр суруйааччытын үйэтитэр киинэ тахсыытын улуус дьаһалтата өйүүрүн биллэрдэ.

Зоя Петровна Багынановаҕа айар үлэтигэр ситиһиилэри баҕарабыт, диэн суруйда Үөһээ Бүлүү улууһун дьаһалтатын пресс сулууспата.

Следите за самым важным и интересным в Telegram-канале и WhatsApp-группе ЯСИА