Атырдьах ыйын 17-21 күннэригэр Дьокуускайга регионнар киинэлэрин Бүтүн Арассыыйатааҕы форума уонна Саха сиринээҕи IV норуоттар икки ардыларынааҕы фестивала ыытыллыахтара.
РФ уонна СӨ Култуураҕа министиэристибэлэрин өйөбүллэринэн ыытыллар форум сүрүн соругунан регионнар киинэлэрин туругун уонна сайдар саҕахтарын дьүүллэһии, дойду киинэтэ сайдарыгар регионнар кинематографистарын күүстэрин холбооһун буолаллар.
Киинэ сылынан ыытыллар дьаһаллар чэрчилэринэн пленарнай мунньахтар, секциялар, дойду сүрүннүүн кинематографистарын маастар-кылаастара, регионнар бырайыактарын дьүүллэһии буолуохтара.
Форумҥа РФ Култуураҕа министиэристибэтин, Арассыыйа киинэтин фондатын уонна кинематографистарын сойууһун бэрэстэбиитэллэрэ, экспертэр уо.д.а. кыттыахтара.
Онтон норуоттар икки ардыларынааҕы фестиваль болҕомтото аныгы үйэҕэ омук култууратын тиэмэтигэр ууруллуоҕа.
Бырагыраама быһыытынан, документальнай киинэлэр, куонкуруһу таһынан киинэлэр көрдөрүллүөхтэрэ.
