28 Кулун тутар 28.03
  • -11°
  • $ 92,59
  • 100,27

«Зима начинается с Якутии» бэстибээл сэтинньи 28 күнүгэр саҕаланыаҕа. Саха сирэ туристары күүтэр

16:29, 10 ноября 2022
Текст:
Читайте нас на
Яндекс Новости
ЯДВ

«Зима начинается с Якутии» Россиятааҕы бэстибээл быйыл сэтинньи 28 — ахсынньы 4 күннэригэр ыытыллыаҕа. Ол туһунан ТАСС-ка предпринимательство министиэристибэтин пресс-сулууспата иһитиннэрдэ, суруйар СИА.

«Тэрээһин пандемия икки сылын кэнниттэн, офлайн киэбинэн ыытыллыаҕа», — диэтилэр министиэристибэҕэ.

«Зима начинается с Якутии» бэстибээл Саха сиригэр 2011 сылтан ыытыллар. Муус скульптураҕа куонкурус, быыстапкалар, гастрономическай дьаһал, кэнсиэртэр буолаллар.

Үгэс быһыытынан, Саҥа дьыллааҕы бастакы харыйа Саха сиригэр күлүмүрдүү тыгар.

2018 сыллаахха бэстибээлгэ 5 тыһ тахса киһи кыттыбыта, 2019 сылга — 7 тыһ тахса. 2020 сыллаахха бэстибээл онлайн-киэбинэн, 2021 сылга — гибрид киэбинэн ыытыллыбыттара, коронавируһунан сибээстээн. 2020 сылга онлайн-кыттааччы ахсаана уонна көрүү 59,4 тыһ., 2021 сылга 721,3 тыһ куоһарбыта.

Министиэристибэҕэ бэлиэтээбиттэринэн, бүтэһик сылларга  атын дойдулартан уонна РФ регионнарыттан бэстибээлгэ кыттааччы ахсаана эбиллэн иһэр.

«Быйыл бэстибээл киэҥ ыҥырыылаах буолар, онно биһиги үөрэбит. Атын регионнартан туристары күүтэбит. Онно анаан этиилэри туризм сайдыытыгар регионнааҕы агентство бэлэмниир. Бырагыраама ураты чаҕылхай тэрээһиннэринэн үөрдүөҕэ. Саха сирэ ыалдьыттары ыҥырар», — диэтэ миниистир Тимур Ханды.

Следите за самым важным и интересным в Telegram-канале и WhatsApp-группе ЯСИА