18 От ыйа 18.07
  • 18°
  • $ 88,09
  • 96,3

Черскэй, Андрюшкино оҕолоро юкагир тылын үөрэтэллэр

Читайте нас на
Яндекс Новости
ЯДВ

«Ярхадана» юкагир омугун сөргүтэр аһымал фонд быйыл «Кужуун шорилэ» (Радуга) диэн бырайыагынан РФ бэрэсидьиэнин гранын кыайыылааҕынан буолбут. Бырайыак чэрчитинэн юкагир омугун тылын, култууратын үйэтитэр сыаллаах Аллара Халыма Черскэй уонна Андрюшкино нэһилиэктэригэр юкагир оҕолоругар тылга уонна култуураҕа дьарыктары ыыталлар. Бу туһунан «Илкэн» хаһыат суруйар.


Оҕолорго дьарыктары ытык кырдьаҕас Дарья Курилова, юкагир тылын учууталлара Елена Тоенто, Валентина Тохтосова биэрэллэр. Кинилэр оҕолорго юкагир тылынан хоһооннору, кэпсээннэри ааҕаллар, нойосуус үөрэтэллэр, юкагир темаларыгар уруһуйдууллар, ырыа үөрэтэллэр, Улуро Адо тылларыгар «Иэwлидиэ» хоровод таһаардылар. Маны таһынан юкагир төрүт оонньууларын үөрэтэллэр.

Ый саҕаланыыта оҕолор «Култуура» ханаал документальнай киинэтигэр уһуллубуттара.

«Шахадьибэ-2020» үгэс буолбут бырааһынньык быйыл пандемиянан сибээстээн онлайн барыа. Юкагирдар ассоциациялара, кырдьаҕастарын Сэбиэтэ ырыа, хоһоон толоруутугар, оҕолорго уруһуйга, норуот маастардарын уус-уран оҥоһуктарыгар күрэһи биллэрбит.

«Кужуун шорилэ» бырайыак ааптардара сыл бүтүөр диэри оскуолаҕа туттуллар юкагир тылыгар методическай босуобуйаны бэчээттээн таһаарыахтара.

Следите за самым важным и интересным в Telegram-канале и WhatsApp-группе ЯСИА
Тутаах тыллар